မဲခေါင်၊ ဇန်နဝါရီ ၂၀
ရှမ်းပြည်နယ်တောင်ပိုင်း၊ တောင်ကြီးမြို့နယ်၊ အေးသာယာမြို့မှ လူငယ် ၃ဦး ယနေ့၊ နေ့လည်ပိုင်းက ဖမ်းဆီးခံရပြီး ၁ဦးစစ်ကြောရေး၌ သေဆုံးသွားကြောင်း စစ်တပ်အသိုင်းအဝိုင်းထံမှ သိရသည်။
အေးသာယာမြို့မှ လူငယ် ၃ ဦးကို ယနေ့၊ နေ့လည်ပိုင်းက PDF ဟု စွပ်စွဲကာ စစ်ကောင်စီမှ ဖမ်းဆီးသွားခြင်းဖြစ်ပြီး တစ်ဦးပြန်လည်လွတ်မြောက်လာသော်လည်း တစ်ဦးကမူ စစ်ကြောရေးတွင် ယနေ့၊ ညနေပိုင်းက သေဆုံးသွားသည်ဟု လုံခြုံရေးအရအမည်မဖော်လိုသူ စစ်တပ်အသိုင်းအဝိုင်းမှ သတင်းပေးတစ်ဦးက ပြောသည်။
"လူငယ် ၃ ဦးကို အေးသာယာစခန်းကို ဖမ်းခေါ်သွားပြီး စစ်နေတာ။ တစ်ယောက်ကိုတော့ သက်သေမခိုင်လုံလို့ ပြန်လွတ်ပေးလိုက်ပေမယ့် တစ်ယောက်ကတော့ စစ်ကြောရေးမှာပဲ ကျဆုံးသွားတယ်လို့ သတင်းပြန့်နေတယ်။ သေချာသလောက်ရှိပါတယ်။ ထပ်သိရတာ၊ အတည်ပြုနိုင်တာရှိရင် ပြန်ပြောပေးပါမယ်" ဟု ၎င်းက ပြောသည်။
ယင်းအနက် ကျန်ရှိနေသည့် လူငယ်တစ်ဦးကို အေးသာယာရဲစခန်း၌ ရိုက်နှက်စစ်ဆေးနေပြီး မိသားစုဝင်များမှလည်း ဆက်သွယ်၍ မရသေးကြောင်း သိရသည်။
MeKong News - မဲခေါင်သတင်း
Reviewed by THITHTOOLWIN
on
18:59
Rating:
No comments:
Post a Comment