ရေဦးနှင့် တန့်ဆည်တွင် ကောလိပ်ကျောင်းသားအပါအဝင် ကျေးရွာနေပြည်သူများအား သတ်ဖြတ်ခဲ့သော စကစ ခမရ (၃၆၈) တပ် တိုက်ခိုက်ခံရ၍ (၁၀) ဦးထက်မနည်းသေဆုံးကာ (၃၀) ကျော် ထိခိုက်ဒဏ်ရာရ

Photo - အကြမ်းဖက်စစ်ကောင်စီ ခမရ ၃၆၈ တပ်သားတချို့အား မြင်တွေ့ရစဉ် ( ပုံဟောင်း ) 

ဇန်နဝါရီ ၂၃

စစ်ကိုင်းတိုင်း၊ ရေဦးမြို့နယ်တွင် ထိုးစစ်ဆင်လာသော အကြမ်းဖက်စစ်ကောင်စီ ခမရ ၃၆၈ တပ်အား ရေဦးမြို့နယ်အခြေစိုက် ဝေဟင်စွန်ရဲ ပြည်သူ့ကာကွယ်ရေးအဖွဲ့က ရှော့ဂန်း (၃) လုံးဖြင့် တိုက်ခိုက်ခဲ့ရာ စကစတပ်သား (၁၀) ဦးသေဆုံးပြီး (၃၀) ကျော်ဒဏ်ရာရရှိသွားကြောင်း သိရသည်။

" ဇေယျဝတီကျေးရွာမှ ရဲမာန်ကျေးရွာသို့ ထိုးစစ်ဆင်လာသော ခမရ ၃၆၈ တပ်အား ရဲမာန်ကျေးရွာအရှေ့ ငှက်ကျကျောင်းအနီး၌ ရှော့ဂန်း (၃) လုံးဖြင့် တိုက်ခိုက်ခဲ့ခြင်းဖြစ်ပြီး စစ်ခွေး (၁၀) ကောင်သေ၍ အကောင် (၃၀) ခန့် ထိခိုက်ဒဏ်ရာရရှိသွားပါသည် " ဟု ဝေဟင်စွန်ရဲ အဖွဲ့ကထုတ်ပြန်သည်။

အဆိုပါ အကြမ်းဖက်စစ်ကောင်စီ ခမရ ၃၆၈ တပ်သည် ပြီးခဲ့သည့် ဇန်နဝါရီလ (၅) ရက်နှင့် (၇) ရက်နေ့တို့က တန့်ဆည်မြို့နယ်တွင် အသက် (၁၉) နှစ်အရွယ် ကောလိပ်ကျောင်းသားတစ်ဦးအပါအဝင် ဒေသခံ (၃) ဦးကို သတ်ဖြတ်ခဲ့ခြင်းနှင့် ရေဦးမြို့နယ် ရေမျက်ရွာတွင် ပြည်သူနေအိမ်များအား မီးရှို့ခဲ့ခြင်းများကိုလည်း ပြုလုပ်ခဲ့ကြောင်း သိရသည်။

PDF Newsflash