ဂန့်ဂေါPDF၏ မိုင်းများကြောင့် စစ်ကောင်စီတပ် ၁၅ဦးသေ

(ဂန့်​ဂေါ PDF  တပ်ဖွဲ့ဝင်များစစ်ပညာသင်တန်းဆင်းစဥ်)

ကလေးဘက်သို့ စစ်ကြောင်းထိုးလာသော စစ်ကောင်စီယာဉ်တန်းကို ဂန့်ဂေါပြည်သူ့ကာကွယ်​ရေးတပ်ဖွဲ့  (ဂန့်​​ဂေါPDF) က  ကလေး-ဂန့်ဂေါကားလမ်းပိုင်းမှစောင့်၍ မိုင်းဆွဲတိုက်ခိုက်ရာ စစ်ကောင်စီတပ်သားက ၁၅ဦးသေဆုံးခဲ့သည်။

ဂန့်ဂေါ PDFက ယနေ့(ဒီဇင်ဘာလ(၂၉) ရက်) နံနက်ပိုင်း တိုက်ခိုက်မှုနှင့် စစ်ကောင်စီဘက်က ထိခိုက်မှုအခြေအနေကို ယ​နေ့ညနေဖက်တွင် ထုတ်ပြန်ခြင်း​ဖြစ်သည်။

PDF-ဂန့်​ဂေါတပ်ခွဲ (၂၁) ဗိုလ်ရွှေကျားအဖွဲ့က ဂန့်ဂေါ-

ကလေးလမ်းပိုင်း မိုင်တိုင် (၃၂) ဝန်းကျင်တွင်တစ်ကြိမ်၊PDF-ဂန့်​​ဂေါ တပ်ခွဲ(၇)  နွေဦးအဖွဲ့ကမိုင်တိုင်(၃၄) အနီးတွင်တစ်ကြိမ် မိုင်းဆွဲတိုက်ခိုက်ခဲ့ရာစစ်ကောင်စီဘက်က ၁၅ဦးသေဆုံးခဲ့ပြီး ကားတစ်စီးပျက်စီးခဲ့ကြောင်းနှင့် PDFဖက်က ထိခိုက်မှုမရှိခဲ့ကြောင်း သတင်းထုတ်ပြန်ထားသည်။ 

ယောနယ်တွင်ပါဝင်သည့် ဂန့်ဂေါမြို့ကို စစ်ကောင်စီက ဒီဇင်ဘာလလယ်ခန့်တွင် အညိုးတကြီးတိုက်ခိုက်ခဲ့သည်။ 

ဂန့်ဂေါမြို့ နှမ်းခါးရွာကို လေကြောင်းမှတိုက်ခိုက်ခဲ့ပြီး ရွာကို မီးရှို့ခဲ့ရာ ​ဒေသခံပြည်သူဆယ်ဦးထက်မနည်းသေဆုံးခဲ့သည်။  သေဆုံးသူများ၏ မိသားစုဝင်များအား ထောက်ပံ့ရေးနှင့် မီးလောင်ခဲ့သော အိမ်များအား  ပြန်လည်ထူထောင်ရေးကို ဒေသခံပြည်သူ့ကာကွယ်ရေးတပ်များက ဝိုင်းဝန်းကူညီပေးနေသည်။

People's Spring