ပုလဲမြို့နယ်အတွင်းဝင်လာသော စကစယာဉ်တန်းအား ဒေသခံ PDF များက နည်းပညာသုံး၍ ဝေဟင်မှဗုံးကျဲတိုက်ခိုက်၊ စကစတပ်သား (၁၄) ဦးသေဆုံး (၇) ဦးဒဏ်ရာပြင်းထန်

ဒီဇင်ဘာ ၃၀

ပုလဲမြို့နယ်တွင် အောင်ဆန်းတပ်ဖွဲ့ ASF-MPDF နှင့် မဟာမိတ် ပုံတောင်တိုက်ဂါးတပ်ဖွဲ့မှ စကစတပ်များအား​ နည်းပညာသုံး၍ ဝေဟင်မှဗုံးကျဲတိုက်ခိုက်ခဲ့ပြီး ၂ ရက်အတွင်း စကစတပ်သား (၁၄) ဦးသေဆုံး၍ (၇) ဦးဒဏ်ရာရရှိခဲ့ကြောင်းသိရသည်။

​ဂန့်ဂေါဘက်မှ ပုလဲမြို့နယ် ကန့်ဒေါင့်သို့ ဆင်းလာသော အင်အား (၁၅၀) ခန့်ပါ စကစယာဉ်တန်းအား ကြိုရန်လာ​သော ကန့်ဒေါင့်ရဲစခန်းမှ စကစတပ်သားများအား ကန့်ဒေါင့်ရွာအနောက်ဘက် သစ်တောရုံးအနီးအရောက်တွင်တစ်ကြိမ်၊ နဂါးမတောင်မှ စတင်ထွက်ခွာလာသော စကစယာဉ်တန်းအား ဝမ်းဘဲချိုင့်ရွာအနီးတစ်ကြိမ်၊ ညနေပိုင်းတွင် သစ်တောရုံးအနီးအရောက်တစ်ကြိမ်၊ စုစုပေါင်း (၃) ကြိမ် ဝေဟင်မှ ဗုံးကျဲတိုက်ခိုက်ခဲ့ကြကြောင်းသိရသည်။

ထိုသို့ ဝေဟင်တိုက်ခိုက်မှုကြောင့် စကစတပ်သား (၆) ဦးသေဆုံး၍ အများအပြားဒဏ်ရာရရှိသည့်အပြင် ပုံတောင်တိုက်ဂါးအဖွဲ့မှ ယင်းစကစယာဉ်တန်းအား တစ်ပြိုင်နက် ဗုံးခွဲတိုက်ခိုက်ခဲ့သောကြောင့် စကစတပ်သား (၅) ဦးထပ်မံသေဆုံးသွားကြောင်း ASF-MPDF ကထုတ်ပြန်သည်။

ထို့အပြင်ယမန်နေ့က လေကြောင်သုံးတိုက်ခိုက်မှုတွင်လည်း စစ်ကောင်စီတပ်သား (၃) ဦးသေဆုံး၍ (၇) ဦးခန့်အပြင်းအထန်ဒဏ်ရာရရှိသွားပြီး သေဆုံးသွားသော တပ်သား (၃) ဦးအား လမ်းဘေးတွင် မီးသဂြိုလ်သွားကြောင်း သိရသည်။

PDF Newsflash