ကျေးရွာများအား စစ်ကြောင်ထိုးရာတွင် ပါဝင်ခဲ့သည့် ရဲတပ်သားတစ်ဦး အကြမ်းဖက်စစ်ကောင်စီလက်အောက်မှ ထွက်ပြေးလာ၍ ထိန်းသိမ်းထားကြောင်း မြိုင်PDFက ယနေ့ ထုတ်ပြန်သည်။
ဒီဇင်ဘာ ၁၂ ရက်က ဖမ်းမိခဲ့သော အဆိုပါရဲတပ်သားကို ထိန်းသိမ်းထားပြီး အမျိုးသားညီညွတ်ရေးအစိုးရ(NUG)နှင့် ချိတ်ဆက်ကာ ၎င်း၏ ဆန္ဒအရ လုံခြုံသောနေရာသို့ ပို့ဆောင်သွားမည်ဟုလည်း မြိုင် PDFက အသိပေးသည်။
ထွက်ပြေးလာသော ရဲတပ်သား၏ ထွက်ဆိုချက်အရ မကွေးတိုင်း သရက်ခရိုင် မင်းလှမြို့နယ်တွင် တာဝန်ထမ်းဆောင်သူဖြစ်ပြီး ဒီဇင်ဘာ ၄ ရက်တွင် မကွေးတိုင်းရဲတပ်ဖွဲ့ရုံးသို့ ခေါ်ဆောင်ခံရကြောင်း သိရသည်။
ထို့နောက် ပခုက္ကူမြို့နယ်ရှိ အကြမ်းဖက်စစ်ကောင်စီတပ် ခမရ (၃၂၅)သို့ ထပ်မံပို့ဆောင်ခံရကာ မြိုင်မြို့နယ်သို့ ရောက်ရှိလာခဲ့သူဖြစ်ကြောင်း ရဲတပ်သားက ပြောသည်။
၎င်းသည် မြိုင်မြို့နယ် ရွာသာအေးကျေးရွာနှင့် မဲသကျကျေးရွာတို့အား စစ်ကြောင်းထိုးရာ၌ ပါဝင်ခဲ့သည်ဟုလည်း ဝန်ခံထွက်ဆိုထားသည်။
People's Spring
Reviewed by THITHTOOLWIN
on
21:14
Rating:
No comments:
Post a Comment