မြိုင်၊ ဒီဇင်ဘာ ၄၊ ၂၀၂၁။
မြိုင်မြို့နယ်မှာ စစ်ကောင်စီတပ်သားတွေလိုက်ပါတဲ့ အိမ်စီးကားနှစ်စီးကို ဒီဇင်ဘာ ၄ ရက် ဒီကနေ့နေ့လည်ပိုင်းမှာ မိုင်းဆွဲတိုက်ခိုက်ခဲ့လို့ တပ်သား ၃ ဦးသေဆုံးခဲ့တယ်လို့ Myaing Villages Revolution Front - MVRF ဆီက သိရပါတယ်။
မကွေးတိုင်း၊ မြိုင်-ဗဟင်းလမ်းမပေါ် က ဘောင့်ဘင်ရွာအနီးမှာတိုက်ခိုက်ခဲ့တာဖြစ်ပြီး ကားတစီးကတော့ ပျက်စီးသွားတယ်လို့ MVRF ရဲ့ တာဝန်ရှိသူတဦးက ပြောပါတယ်။
“ဒီကောင်တွေက အိမ်စီးကားတွေနဲ့လာတာဗျ၊ အင်အားက ၂ စီးပေါင်းဆို ၁၅ ယောက်ဝန်းကျင်လောက်တော့ရှိမယ်ဗျ၊ စစ်သားတွေဒီလမ်းကဖြတ်သန်းသွားမှာကို သတင်းရတယ်၊
ကျနော်တို့အကြမ်းဖျင်းသိရတာကတော့ စစ်သား ၃ ယောက်သေတယ်” လို့ သူကဆက်ပြောပါတယ်။
မြို့မြို့နယ်မှာ မြိုင်PDF နဲ့ ကျေးရွာတွေပေါင်းပြီး ဖွဲ့စည်းထားတဲ့ Myaing Villages Revolution Front -MVRF ဆိုတဲ့ တော်လှန်ရေးတပ်ဖွဲ့နှစ်ဖွဲ့ရှိပြီး MVRF အနေနဲ့ ပြီးခဲ့တဲ့ နိုဝင်ဘာလ ၁၈ ရက်နေ့ကလည်း မြိုင်မြို့နယ်မြောက်ပိုင်း၊ ထွန်းမြရတနာလမ်းပေါ် မှာ စစ်ကောင်စီယာဥ်တန်းကို မိုင်းဆွဲတိုက်ခိုက်ခဲ့လို့ စစ်သား ၅ ဦးသေဆုံးခဲ့တယ်လို့လည်းသိရပါတယ်။
မြေလတ်အသံ - Myaelatt Athan
Reviewed by THITHTOOLWIN
on
09:12
Rating:
No comments:
Post a Comment