ကချင်ပြည်နယ် မိုးကောင်းမြို့နယ် ကညှင်မြိုင် ကျေးရွာရှိ စစ်ကောင်စီတပ်စခန်းကို (KIA)က တိုက်ခိုက်သိမ်းပိုက်ခဲ့ရာ စစ်ကောင်စီ တပ်ဖွဲ့ဝင်များ သေဆုံးထိခိုက်မှုရှိပြီး စစ်လက်နက်များ ရရှိခဲ့ကြောင်း KIA သတင်းနှင့်ပြန်ကြားရေးဌာနက ထုတ်ပြန်သည်။
KIA အမှတ်(၉)တပ်မဟာ၊ အမှတ်(၄၄) တပ်ရင်း နယ်မြေ၊ ဆားမှော်ဒေသ၊ ကညှင်မြိုင်တွင် ဒီဇင်ဘာ ၂၄ရက် နံနက် ၃အချိန်ခန့်က တိုက်ပွဲဖြစ်ခဲ့ကြောင်း၊
ကညှင်မြိုင်တွင် တပ်စွဲထားသော စစ်ကောင်စီ ခမရ (၃၈၃) တပ်ဖွဲ့ကို KIA အမှတ်(၄၄)တပ်ရင်းမှ သွားရောက်တိုက်ခိုက် သိမ်းပိုက်ခဲ့ခြင်းဖြစ်ကြောင်း ဖော်ပြသည်။
တိုက်ပွဲအတွင်း စစ်ကောင်စီဘက်မှ အကျအဆုံးရှိခဲ့ပြီး၊ စစ်ကောင်စီတပ်ဖွဲ့၏ စစ်လက်နက်အသုံးအဆောင်ပစ္စည်းများရရှိခဲ့သည်ဟု ဆိုသည်။
စစ်ကောင်စီတပ်မှ ရဟတ်ယာဥ််ဖြင့်လာရောက်ပစ်ခတ်ခဲ့ ကြောင်း၊ စစ်ကောင်စီမှတိုက်ပွဲဖြစ်ပွားချိန် လက်နက် ကြီး၊ လက်နက်ငယ်များပစ်ခတ်ခဲ့၍ ပွန်သုံးလုံးကျေးရွာရှိ ပြည်သူတစ်ယောက်၏နေအိမ်တွင် ကျရောက်ပေါက်ကွဲ ခဲ့ကြောင်း ဖော်ပြထားသည်။
KIA နှင့် စစ်ကောင်စီတပ်တို့သည် ယမန်နေ့ကလည်း ဖားကန့်မြို့နယ်အတွင်း တိုက်ပွဲဖြစ်ပွားခဲ့သည်။
People's Spring
Reviewed by THITHTOOLWIN
on
22:44
Rating:
No comments:
Post a Comment