ယင်းမာပင်-ပုလဲလမ်းတွင် အကြမ်းဖက်စစ်ကောင်စီတပ်ဖွဲ့ဝင် ၅၀ခန့် ပါဝင်သော ခြေလျင်စစ်ကြောင်းကို ရွှေတြိဂံပြည်သူ့ကာကွယ်ရေးတပ်ရင်း(GTF)က မိုင်းဆွဲတိုက်ခိုက်ရာ စစ်ကောင်စီတပ်မှသုံးဆယ်ဦးထက်မနည်း သေဆုံးနိုင်ကြောင်း GTFက ထုတ်ပြန်သည်။
ယနေ့(ဒီဇင်ဘာ၁၃ရက်)နံနက်၁၀ နာရီ ၂၈ မိနစ်တွင်ယင်းမာပင်မှ ပုလဲဘက်သို့ ဦးတည်၍ ခြေလျှင် ဖြန့်ဆင်းလာသော အာဏာသိမ်းစစ်ကောင်စီတပ် ၅၀ ကျော်အား ယင်းမာပင်မြို့အထွက်တွင် မိုင်းဆွဲတိုက်ခိုက်ခဲ့ခြင်းဖြစ်ကြောင်း ရွှေတြိဂံ တပ်ရင်း ပြောက်ကျား အဖွဲ့က သတင်းထုတ်ပြန်ထားသည်။
မိုင်းဆွဲတိုက်ခိုက်သည့် ဖြစ်စဉ်ရုပ်သံမှတ်တမ်းကို ရွှေတြိဂံပြည်သူ့ကာကွယ်ရေးတပ်ရင်း(GTF)က ဖေ့ဘွတ်လူမှုကွန်ရက်ပေါ်တွင် ထုတ်ပြန်ထားသည်။အကြမ်းဖက်စစ်ကောင်စီတပ်ဖွဲ့ဝင်များက ယင်းမာပင်-ပုလဲလမ်းအတိုင်း ခြေလျင်လျှောက်လာစဉ် အသင့်ထောင်ထားသည့်မိုင်းကွင်းအတွင်းမှ မိုင်းများကို ဖောက်ခွဲခဲ့သည်ကို တွေ့ရသည်။ စစ်ကောင်စီဘက်က သေနတ်ဖြင့် ရမ်းသမ်းပစ်ခတ်သံများလည်း ကြားရသည်။
" ကြိုက်သလောက်ပစ်။ ရင်မခုန်ဘူး"ဟု ပြည်သူ့ကာကွယ်ရေးတပ်ရင်း(GTF)ဖက်က လူငယ်တစ်ဦး၏ပြောသံကိုလည်း ကြားရသည်။
" မိုင်းခွဲ တိုက်ခိုက်ပြီး မိနစ် ၄၀ ခန့် စစ်ခွေးများ ငြိမ်သက်သွားကာ ၁၃ ယောက်လောက်သာ မြင်ရတော့သည်။ အသေအပျောက်မှာ (၃၀) ထက်မနည်း ခန့်မှန်းထားသည်"ဟု ရွှေတြိဂံပြည်သူ့ကာကွယ်ရေးတပ်ရင်း(GTF)က ထုတ်ပြန်ထားသည်။
People's Spring
Reviewed by THITHTOOLWIN
on
19:52
Rating:
No comments:
Post a Comment