MFP ၊ ဒီဇင်ဘာ - ၂၅
မန္တလေးမြို့ မဟာအောင်မြေမြို့နယ် ၇၈လမ်းနှင့် ၃၈လမ်းထောင့်ရှိ စစ်ခေါင်းဆောင်များ ပိုင်သော ရတနာပုံ (အောင်ပြည့်စုံ) ခမ်းမအနီးတွင် ယနေ့ မနက်ပိုင်းက ပေါက်ကွဲမှုတစ်ခု ဖြစ်ပွားခဲ့ကြောင်း ဒေသခံများက MFP သို့ ပြောသည်။
ယနေ့ ဒီဇင်ဘာ(၂၅)ရက် မနက်(၇)နာရီကျော်အချိန်က မဟာအောင်မြေမြို့နယ် ၃၈လမ်းပေါ်၊ ရရလမ်းနှင့် ၇၈လမ်းကြား၊ ရတနာပုံ ခန်းမအနီးတွင် လက်လုပ်ဗုံး ပေါက်ကွဲခဲ့ခြင်း ဖြစ်သည်ဟု ဆိုသည်။
အဆိုပါ ဖြစ်စဉ်နှင့် ပတ်သက်၍ MFP အနေဖြင့် အသေးစိတ် အခြေအနေ မသိရသေးပါ။ စစ်ကောင်စီ ရဲအသိုင်းအဝိုင်းကမူ ဗုံးဖောက်ခွဲရန် လာသည့် အမျိုးသမီးတစ်ဦး ပေါက်ကွဲမှုဖြစ်ကာ လက်နှင့် မျက်နှာ အပါအဝင် ကိုယ်ခန္ဓာအနှံ့တွင် ထိခိုက်ဒဏ်ရာရများ ရရှိပြီး အသက်အန္တရာယ် အလွန်စိုးရိမ်ရသည်ဟု ဆိုသည်။
လက်ရှိတွင် စစ်ကောင်စီ လက်နက်ကိုင်များ အဆိုပါခန်းမအနီးတွင် ပိတ်ဆို့စစ်ဆေးမှုများ လုပ်ဆောင်နေသည်ဟု မြို့ခံများက MFP သို့ ပြောသည်။
ရတနာပုံ ခန်းမသည် စစ်တပ်က အာဏာသိမ်းပြီးနောက် မေလတွင် ဖွင့်လှစ်ခဲ့သည့် အဆောက်အဦ ဖြစ်ပြီး မြို့မတီးဝိုင်းနှင့် မန္တလေးက အဆိုတော်အချို့ စစ်ကောင်စီအတွက် ပထမဆုံး တီးမှုတ်သီဆိုပေးခဲ့သည့် ပွဲလည်း ဖြစ်သည်။
Mandalay Free Press - MFP
Reviewed by THITHTOOLWIN
on
10:54
Rating:
No comments:
Post a Comment