အကြမ်းဖက်စစ်တပ်က စစ်ကိုင်းတိုင်းတွင်၎င်းတို့နှင့်မပူး​ပေါင်းလျှင် မြို့ရွာများကိုဖျက်မည်ဟုခြိမ်း​ခြောက်

(အကြမ်းဖက်စစ်​ကောင်စီ၏ဝါဒဖြန့်စာ)

"စစ်ခွေးတွေ ဖွဲ့စည်းထားတဲ့ တပ်မတော်ဆိုတာကို ပြည်သူကချီးရွံသလိုကို ရွံနေပြီ။ နာကျည်းနေပြီ"-​ဒေသခံတစ်ဦး

​ဒေသအများစုတွင်ပြည်သူများ၏နေအိမ်များကို  မီးရှို့ဖျက်ဆီး၊လုယက်​နေ​သောနေ​သောအကြမ်းဖက်စစ်ကောင်စီတပ်က၎င်းတို့နှင့် မပူးပေါင်းပါကမြို့နှင့်ရွာများကို မီးရှို့မည်ဟူသော ခြိမ်းခြောက်ဝါဒဖြန့်စာများကို စစ်ကိုင်းတိုင်းအတွင်း ကျေးရွာအချို့တွင် ချထားခဲ့သည်ဟု ဒေသခံများကပြောသည်။

"မင်းတို့ မြို့တွေ ရွာတွေ အပျက်ခံမှာလား။ တပ်မတော်နှင့်ပူးပေါင်းပြီး PDF ကို တိုက်ဖျက်ကြ" ဟု ရေးသားထားသော စာများကို ကျေးရွာအချို့ကို စစ်ကြောင်းထိုးစဥ်ချထားခဲ့ခြင်းဟု ဒေသခံများကပြောသည်။

"စစ်ခွေးက စစ်ခွေးဥာဏ်နဲ့ အခုလို စာတွေချတာ။ ဘယ်သူက ဘယ်လိုယုတ်မာနေလဲဆိုတာ တမဟုတ်ချင်းသိတဲ့ခေတ်။ PDF က ပြည်သူကနေ ဖြစ်တာ။ ကျမတို့ရွာလည်း မီးရှို့ခံရတယ်။ စစ်ခွေးတွေ ဖွဲ့စည်းထားတဲ့ တပ်မတော်ဆိုတာကို ပြည်သူက ချီးရွံသလိုကို ရွံနေပြီ။ နာကျည်းနေပြီ"ဟု စစ်ကိုင်းတိုင်းအတွင်း ကျေးရွာတစ်ခုမှ ဒေသခံအမျိုးသမီးတစ်ဦးကလည်းပြောသည်။

အကြမ်းဖက်စစ်ကောင်စီသည် စစ်ကိုင်းတိုင်းအတွင်း ကလေး၊ တန့်ဆည်၊ ဒီပဲယင်း၊ ကျွန်းလှ၊ ကနီနှင့် မင်းကင်းမြို့နယ်စသဖြင့် ခုခံ​တွန်းလှန်မှုအားကောင်းသည့် ဒေသရှိ​ကျေးရွာများရှိပြည်သူများ၏နေအိမ်များကို မီးရှို့ဖျက်ဆီးခဲ့၊ဖျက်ဆီး​နေဆဲဖြစ်သည်။

 စစ်ကိုင်းတိုင်းအပြင် ချင်းပြည်နယ် ၊မ​ကွေးတိုင်း ၊ကယားပြည်နယ် စ​သော​ဒေသများမှ မြို့ရွာ ပေါင်း ရာနှင့်ချီ မီးရှို့ဖျက်ဆီးခြင်း၊လက်နက်ကြီးဖြင့်ပစ်ခတ်ဖျက်ဆီးခြင်း ၊ပြည်သူများ၏ ​နေအိမ်အတွင်းမှ ပစ္စည်းများကို ​ဖောက်ထွင်းခိုးယူခြင်း၊ ဘာသာရေးအဆောက်အဦးအချို့ကိုပါ မီးရှို့ဖျက်ဆီးခဲ့ခြင်း၊ ပြည်သူများကို ဖမ်းဆီးနှိပ်စက်သတ်ဖြတ်ခြင်း၊လူသားဒိုင်းအဖြစ်အသုံးပြုရန်ဖမ်းဆီးခြင်း ၊ဖမ်းဆီးပြီး​ငွေညှစ်ခြင်း စသည့် စစ်ရာဇဝတ်မှုများကို ​​ဒေသအနှံ့တွင်ကျူးလွန်​နေသည်။

 အထူးသဖြင့် စစ်​ကောင်စီတပ်က ၎င်းတို့အထိ့နာ​လေ ပြည်သူများထိ့ခိုက်​အောင်ပိုမိုလုပ်​လေဖြစ်သည်။ထို​ကြောင့် ပြည်သူများက ၎င်းတို့ကို ​ကြောက်သည်ထက် နာကျည်းမုန်းတီးကာ အရှိန်မြှင့်ပိုမို​တော်လှန်​လာကြသည်။

ဒီဇင်ဘာ ၂၄ ရက်ကလည်း ကရင်နီပြည်နယ်၊ဒီမောဆိုမြို့နယ်၊ မူဆိုကျေးရွာမှ  က​လေးငယ်အချို့အပါအဝင်အရပ်သား ၃၅ဦးကို အရှင်လတ်လတ် မီးရှို့သတ်ဖြတ်ခဲ့၍ ကုလသမဂ္ဂအပါအဝင်နိုင်ငံတကာက စစ်​ကောင်စီ၏လုပ်ရပ်အ​ပေါ်ပြင်းထန်စွာရှုတ်ချ​နေသည်။ ယနေ့ နံနက်တွင်လည်း ကရင်ပြည်နယ် လေးကေကော်မြို့မှ နေအိမ်အချို့ကို အာဏာသိမ်းစစ်ကောင်စီတပ်က မီးရှို့ဖျက်ဆီးနေသည်ဟု ဒေသခံများကပြောသည်။

People's Spring