စစ်​ကောင်စီတပ် ရဟတ်ယာဥ်ဖြင့်ပစ်ခတ်ပြီး​နောက် နတ်​ချောင်းရွာကို မီးရှို့​နေ

(နတ်​ချောင်းရွာမီး​လောင်​နေသည်ကိုအ​ဝေးမှမြင်​တွေ့ရစဥ်   -ဓါတ်ပုံ- CJ)

က​လေးမြို့နယ်အတွင်းရှိ နတ်​ချောင်းရွာကို အကြမ်းဖက်စစ်​ကောင်စီတပ်က ယ​နေ့(ဒီဇင်ဘာ ၂၃) ည​နေ၅နာရီခွဲဝန်းကျင်တွင် ရွာလုံးကျွတ်မီးရှို့​နေ​ကြောင်း ​ဒေသခံများက​ ပြောသည်။

ရွာလုံးကျွတ်မီးတင်ရှို့မူ​ကြောင့် ​နေအိမ်အများစု မီး​လောင်ကျွမ်း​နေပြီး မီး​တောက်ကို က​လေးမြို့နားကပင် မြင်​​တွေ့နေရသည်ဟု ​ဒေသခံများက​ ပြောသည်။ 

အကြမ်းဖက်စစ်​ကောင်စီ နတ်​ချောင်းရွာကို ​ယ​နေ့​မွန်းလွဲ ပိုင်းတွင် စစ်ဖက်သုံးရဟတ်ယာဥ်ဖြင့်လိုက်လံပစ်ခတ်ခဲ့ပြီး​နောက် ည​နေပိုင်းတွင်တစ်အိမ်ဝင်တစ်အိမ်ထွက် မီးလိုက်ရှို့​နေခြင်းဖြစ်သည်ဟု​ ဒေသခံများက​ ပြောသည်။ 

"မီး​လောင်တာက အရမ်းများ​ပြီး ​မီး​တောက်က​ တော်​တော်ကြီး​နေတယ်။ရွာထဲမှပိတ်မိ​နေတဲ့သူတွေလည်း ရှိတယ်။ "ဟု​ ဒေသခံတစ်ဦးက​ ပြောသည်။ 

စစ်​ကောင်စီတပ်က က​လေးမြို့ရှိ နတ်​ချောင်းရွာကို ဖုန်းလိုင်းဖြတ်​တောက်ထားပြီး ယ​နေ့မနက်ပိုင်းမှစ၍ ​​နေအိမ်များကို လက်နက်ကြီး၊လက်နက်ငယ်များဖြင့် ပစ်ခတ်ခဲ့ခြင်းဖြစ်သည်။ 

​နေလယ် ၂ နာရီ​ကျော်တွင် အကြမ်းဖက်စစ်တပ်က ရဟတ်ယာဥ်နှစ်စီးဖြင့် ၁၀ကြိမ်တိုင်တိုင် ရွာအတွင်းရှိ ပြည်သူလူထုကိုပစ်ခတ်တိုက်ခိုက်ခဲ့သည်ဟု​ဒေသခံများက​ပြောသည်။ 

နတ်​ချောင်း​ရွာသည် က​လေး-ဂန့်​ဂေါလမ်းပိုင်းတွင်တည်ရှိပြီး ​ဒေသခံ ကာကွယ်​ရေးတပ်ဖွဲ့များနှင့်အကြမ်းဖက်စစ်​ကောင်စီတပ်တို့ကြားတိုက်ပွဲပြင်းထန်​နေခြင်းဖြစ်သည်။ 

ယ​နေ့မနက်ပိုင်းတွင် အကြမ်းဖက်စစ်​ကောင်စီ၏ စနိုက်ပါတပ်သားတစ်ဦးကို. ​ဒေသခံကာကွယ်​ရေးတပ်များက ပစ်သတ်ပြီး​နောက် အကြမ်းဖက်စစ်တပ်က နတ်​ချောင်းရွာကို အညှိုးတကြီး တိုက်ခိုက်မီးရှို့​နေခြင်းဖြစ်​ကြောင်း​ဒေသခံအချို့က​ ပြောသည်။

နတ်ချောင်းရွာအတွင်းယ​နေ့ နံနက်ပိုင်းတိုက်ပွဲတွင် ပြည်သူ့ကာကွယ်ရေးအဖွဲ့များဘက်က အထိအခိုက်မရှိခဲ့ဟု Kalay PDF နှင့် နီးစပ်သူတစ်ဦးက ယနေ့ညနေတွင် ပြောသည်။

" သူတို့(စစ်ကောင်စီ)မနိုင်လို့ လေကြောင်းကနေ လာပစ်တာ။ အရပ်သားနှစ်‌ယောက်တော့ ဆိုင်ကယ်စီးလာတုန်း စစ်တပ်ကပစ်တာ သေဆုံးသွားတယ်ကြားတယ်" ဟု ကလေးမြို့ဒေသခံတစ်ဦးက ပြောသည်။

 ထိုအပြင် ယ​နေ့​နေလယ်ပိုင်းတွင် စစ်​ကောင်စီတပ်စွဲထားသည့် ​စာသင်​ကျောင်း​ရှေ့ကို ဆိုင်ကယ်ဖြတ်​မောင်းသွားသည့် အမျိုးသမီးတစ်ဦးကိုလည်း အကြမ်းဖက်စစ်တပ်က ပစ်သတ်ခဲ့သည်ဟု​ဒေသခံများက​ ပြောသည်။

People's Spring