တနင်္သာရီတိုင်းမ်၊ ဒီဇင်ဘာ ၂၅
သရက်ချောင်းမြို့နယ်၊ ပိန်းတောရွာမှာ ဒီနေ့ညနေပိုင်းက စစ်တပ်ကားနှစ်စီးမိုင်းဆွဲတိုက်ခိုက်ခံရတယ်လို့ ပိန်းတော ရွာသားတချို့ကပြောပါတယ်။
ဒီနေ့ညနေ ၃ နာရီဝန်းကျင်က သရက်ချောင်းမြို့ဘက်ကလာတဲ့ စစ်ကားနှစ်စီးမိုင်းဆွဲတိုက်ခိုက်ခံရပေမယ့် လွဲချော်သွားခဲ့လို့ ကြီးကြီးမားမားထိခိုက်မှုမရှိခဲ့ဘူးလို့ ဒေသခံရွာသားတွေကဆိုပါတယ်။
မိုင်းပေါက်ကွဲပြီးနောက်မှာ စစ်ကောင်စီတပ်သားတွေသေနတ်နဲ့ရမ်းသမ်းပစ်ခတ်ခဲ့တယ်လို့ ဆိုပါတယ်။
စစ်ကောင်စီတပ်သားတွေဟာ ကားလမ်းမကိုလည်းပိတ်ပစ်ခဲ့ပြီး ရွာကနေအိမ်တစ်ချို့ကိုဝင်ရောက်စစ်ဆေးခဲ့ပါတယ်။
ညနေ ၅ နာရီဝန်းကျင်မှ လမ်းပြန်ဖွင့်ပေးခဲ့ပြီး စစ်ကောင်စီတပ်တွေရွာကပြန်လည်ထွက်ခွာသွားတယ်လို့သိရပါတယ်။
The Tanintharyi Times
ပိန်းတောရွာမှာ စစ်တပ်ကားနှစ်စီး မိုင်းဆွဲတိုက်ခိုက်ခံရ
Reviewed by THITHTOOLWIN
on
22:53
Rating:
Reviewed by THITHTOOLWIN
on
22:53
Rating:
No comments:
Post a Comment