ဒီးမော့ဆို မြို့မရဲစခန်းမှာ တိုက်ပွဲ ၂ကြိမ်ဖြစ်ပွားခဲ့ပြီး စစ်ကောင်စီဘက်က ၃ဦးသေဆုံး၊ ဒေသခံ နေအိမ်တစ်လုံးမီးရှို့ခံရ
ဒီးမော့ဆို မြို့မရဲစခန်းမှာ ရှိနေတဲ့ စစ်ကောင်စီကို ဒီးမော့ဆိုပြည်သူ့ကာကွယ်ရေးတပ်ဖွဲ့ ( DMO- PDF)နဲ့ KGZ တပ်ဖွဲ့တို့ ပူးပေါင်း တိုက်ခိုက်ခဲ့ပြီး စစ်ကောင်စီဘက်က ၃ဦးကျဆုံးခဲ့တယ်လို့ DMO_PDF ကဒီကနေ့ ဒီဇင်ဘာလ ၂၆ရက်နေ့မှာ ထုတ်ပြန်ထားပါတယ်။
တိုက်ပွဲဟာ ဒီဇင်ဘာလ (၂၅) ရက်နေ့ မွန်းလွဲ ၃နာရီ ၄၅မိနစ်အချိန်မှာ ဖြစ်ပွားခဲ့ပြီး ၂နာရီကြာအောင်ပစ်ခတ်မှုဖြစ်ပွားခဲ့ပါတယ်။ဒါ့အပြင် ညနေ ၇နာရီ ၄၅မိနစ်အချိန်မှာလည်း တိုက်ပွဲထပ်မံဖြစ်ပွားခဲ့ပြီး ၁၅မိနစ်ကြာ ပစ်ခတ်မှုဖြစ်ခဲ့တယ်လို့ သိရပါတယ်။
တိုက်ပွဲကြောင့် DMO_PDF ဘက်က ထိခိုက်ဒဏ်ရာရသူ နှစ်ဦးရှိတယ်လို့ ထုတ်ပြန်ချက်မှာ ပါရှိပါတယ်။
တိုက်ပွဲအတွင်းမှာ စစ်ကောင်စီက လက်နက်ကြီးတွေနဲ့ ရမ်းသမ်းပစ်ခတ်တာတွေ ရှိခဲ့ပြီး ဒီးမော့ဆိုမြို့မရဲစခန်းအနီးက ဒေသခံနေအိမ်တစ်လုံး မီးရှို့ခဲ့လို့ထုတ်ပြန်ထားပါတယ်။
ကန္တာရဝတီတိုင်း(မ်) / Kantarawaddy Times
Reviewed by THITHTOOLWIN
on
20:01
Rating:
No comments:
Post a Comment