MFP ၊ ဒီဇင်ဘာ - ၃၁
စစ်ကိုင်းတိုင်း ရေဦးမြို့နယ်တွင် စကစနှင့် ဒေသကာကွယ်ရေးတပ်ဖွဲ့တို့ ပြောက်ကျားစနစ်ဖြင့် ထိတွေ့မှုဖြစ်ပွားပြီး စကစဘက်က လေးဦး ထိခိုက်သေဆုံးကြောင်း သတင်းရရှိသည်။
ယနေ့ ဒီဇင်ဘာ (၃၁) ရက်တွင် ရေဦးမြို့နယ် ညောင်နီကန်ရွာနှင့် ဝက်ဖြူရွာအနီး ထိတွေ့တိုက်ပွဲဖြစ်ပွားခဲ့ခြင်းဖြစ်သည်ဟု ရေဦးမြို့နယ် ပြည်သူ့ကာကွယ်ရေးတပ်ဖွဲ့က ဆိုသည်။
" ရေဦးမြို့နယ်က တော်လှန်ရေးအဖွဲ့များနဲ့ စစ်ခွေးစစ်ကြောင်းတို့ ညောင်နီကန်၊ ဝက်ဖြူအနီး ပြောက်ကျားစနစ်ဖြင့် ထိတွေ့မှုဖြစ်ပြီး စစ်ခွေးလေးကောင်ကို ဆုံးမနိုင်ကြောင်း ကနဦးသတင်းရရှိပါတယ် " ဟု ရေဦးပကဖက ပြောဆိုသည်။
ဒီဇင်ဘာ (၃၀) ရက် ည (၁၀) နာရီခွဲခန့်တွင်လည်း ရေဦးမြို့နယ် အင်တောကျေးရွာသို့ ဝင်ရောက်သောင်းကျန်းနေသော စကစတပ်များကို တန့်ဆည်မြို့နယ် ပြည်သူ့ကာကွယ်ရေးအဖွဲ့(ပကဖ)မှ မိုင်းခွဲတိုက်ခိုက်ခဲ့ရာ သုံးဦးသေဆုံးခဲ့သည်။
Mandalay Free Press - MFP
Reviewed by THITHTOOLWIN
on
23:05
Rating:
No comments:
Post a Comment