 |
| (ဗကသများအဖွဲ့ချုပ်ဒုတိယဥက္ကဋ္ဌ ကိုဝေယံဖြိုးမိုးကို တွေ့ရစဥ်) |
အသံတိတ်သပိတ်လှုပ်ရှားမှုတွင် ပါဝင်သည်ဟုဆိုကာ အင်းစိန်ထောင်အတွင်း နိုင်ငံရေးအကျဉ်းသား ၈၉ဦး ပြင်းထန်စွာ နှိပ်စက်ခံထားရကြောင်း ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်နှင့် ရန်ကုန်တက္ကသိုလ်ကျောင်းသားများသမဂ္ဂတို့က ပူးတွဲသဘောထား ထုတ်ပြန်သည်။
ဒီဇင်ဘာ ၁၀ရက်က တစ်နိုင်ငံလုံးအတိုင်းအတာ ပြည်သူလူထုများ ပါဝင်ခဲ့သည့် အသံတိတ်သပိတ်လှုပ်ရှာမှုတွင် ပါဝင်မှုကြောင့် အင်းစိန်ထောင်တွင် မတရားဖမ်းဆီးချုပ်နှောင်ခံနေရသော ဗကသများအဖွဲ့ချုပ် ဒုတိယဥက္ကဋ္ဌ ကိုဝေယံဖြိုးမိုးနှင့် ရန်ကုန်တက္ကသိုလ်ကျောင်းသားများသမဂ္ဂ ကျောင်းသားထုအခွင့်အရေးတာဝန်ခံ ကိုလေပြေစိုးမိုးတို့ အပါအဝင် နိုင်ငံရေးအကျဉ်းသား ၈၉ ဦးပြင်းပြင်းထန်ထန်ရိုက်နှက်နှိပ်စက်ခံထားရသည်ဟု သိရကြောင်း ဖော်ပြထားသည်။
အဆိုပါ နိုင်ငံရေးအကျဉ်းသား ၈၉ဦးကို အကျဉ်းဦးစီးဌာနက သီးသန့်ဆောင်မှ ပင်မအကျဉ်းထောင်သို့ ရွှေ့ပြောင်းပြီး တိုက်ပိတ်ထားသည်သိရသည်ဟုဆိုသည်။ ထောင်တွင်းရဲဘော်များ၏ လက်ရှိအခြေ အနေသည် အလွန်စိုးရိမ်ဖွယ်ရာဖြစ်ကြောင်း ထုတ်ပြန်ခဲ့သည်။
ထိုအခြေအနေနှင့်ပတ်သက်၍ မတရားဖမ်းဆီးချုပ်နှောင်ခံထားရသူများအားလုံးကို ခြွင်းချက်မရှိ လွှတ်ပေးရန် နှင့် မတရားဖမ်းဆီးခံနိုင်ငံရေးအကျဉ်းသား၊ အချုပ် သားများ၏ ကျန်းမာရေး၊ လုံခြုံရေးစသည့် အခွင့်အရေးများရရှိရေးအတွက် ဝိုင်းဝန်းကူညီစောင့်ရှောက်ပေးကြပါရန် ပြည်သူလူထုတရပ်လုံးအား မေတ္တာရပ်ခံကြောင်း ဖော်ပြထားသည်။
ထို့အပြင် စစ်အာဏာရှင်စနစ်တိုက်ဖျက်ရေးတိုက်ပွဲတွင် တတပ်တအားပါဝင်နေကြသော လူထုတစ်ရပ် လုံးနှင့် တော်လှန်ရေးအင်အားစုများအနေဖြင့် ထပ်မံသိရှိလာရသော သတင်းများအပေါ်မူတည်၍ ထောင် တွင်းရဲဘော်များကို ဝန်းရံကူညီပေးကြပါရန်လည်း တိုက်တွန်းထားသည်။
People's Spring
Reviewed by THITHTOOLWIN
on
08:09
Rating:
No comments:
Post a Comment