ဂန့်ဂေါ၊ ဒီဇင်ဘာ ၂၄၊ ၂၀၂၁။
ကျောမြို့နယ်အတွင်း နယ်မြေရှင်းလင်းရေးလာတဲ့ စစ်ကောင်စီတပ်တွေ ဒီဇင်ဘာ ၂၄ ရက် ဒီနေ့ညနေ ၄နာရီလောက်က မိုင်းနင်းမိပြီး ၂ ဦးသေဆုံးကာ ၃ ဦးပြင်းထန်ဒဏ်ရာရရှိခဲ့တယ်လို့ Yaw Defence Force - Kyaw ဆီကသိရပါတယ်။
အင်းအား ၂၀ ကျော်လောက်ပါတဲ့ စစ်ကောင်စီတပ်တွေဟာ မကွေးတိုင်း၊ ကျောမြို့ နဲ့ ဂန်ဂေါမြို့အကြား ပုံညာအဆင်းမှာ ဒီဇင်ဘာ ၂၂ ရက် တိုက်ပွဲက ကျန်ခဲ့တဲ့ မိုင်းအချို့ကိုနင်းမိခဲ့တာ ဖြစ်တယ်လို့ YDF - Kyaw ရဲ့တာ၀န်ခံကပြောပါတယ်။
" နယ်မြေရှင်းလင်းရေးလာတဲ့အဖွဲ့ပါ၊စစ်သား ၂၀ ဝန်းကျင်းခြေလျင်လျှောက်လာတာ၊၂၂ ရက်နေ့ကကျနော်တို့ထောင်ထားတဲ့လက်ကျန်မိုင်း နင်းမိကြတာပါ " လို့သူကပြောပါတယ်။
ကျောမြို့နယ်မှာ စစ်ကောင်စီနဲ့ PDFတို့ မကြာခဏဆိုသလို တိုက်ပွဲဖြစ်ပွားလျှက်ရှိပြီး ပြီးခဲ့တဲ့ ဒီဇင်ဘာ ၂၂ ရက် နေ့လည် ၃နာရီကလည်း မကွေးတိုင်း၊ ဂန့်ဂေါမြို့နယ်၊ ကျောမြို့ နဲ့ ဂန်ဂေါမြို့အကြား ပုံညာတောင်အဆင်းမှာ စစ်ကား ၂၄ စီးကို YDF - Kyaw နဲ့ ပူးပေါင်းအဖွဲ့က မိုင်းဆွဲတိုက်ခိုက်ခဲ့လို့ တပ်သား ၃၀ သေဆုံးခဲ့တယ်လို့လည်း သိရပါတယ်။
မြေလတ်အသံ - Myaelatt Athan
Reviewed by THITHTOOLWIN
on
07:15
Rating:
No comments:
Post a Comment