ရန်ကုန်၊ နိုဝင်ဘာ ၁၆
ရန်ကုန်တိုင်း တိုက်ကြီးမြို့နယ် YMBA အသင်းဥက္ကဋ္ဌ ဦးအောင်ကျော်စိုး (ခ) ဖိုး၀ကြီးသည် ယနေ့ (နိုဝင်ဘာ ၁၆) နံနက်ပိုင်းတွင် သေနတ်ဖြင့်ပစ်ခံရပြီး ဆေးရုံ၌ သေဆုံးခဲ့ကြောင်း ဒေသခံများက ပြောသည်။
ဆိုင်ကယ်ဖြင့် သွားလာစဥ်လမ်း၌ အမည်မသိလူတချို့က သေနတ်ဖြင့်ပစ်ခတ်ခဲ့ခြင်းဖြစ်ပြီး ပစ်ခတ်သွားသူများမှာ မည်သည့်အဖွဲ့က ဖြစ်ကြောင်းကို လက်ရှိအချိန်ထိ မသိရှိရသေးပါ။
" မနက်က သူ့မိန်းမကို ဆိုင်ကယ်နဲ့ အလုပ်လိုက်ပို့ရင်း လမ်းမှာပစ်ခံရတယ်လို့ သိရပါတယ်။ သူက ဆေးရုံမှာ ဆုံးသွားပြီး သူ့ဇနီးကတော့ ဆေးရုံမှာပဲ ကုသနေတယ်လို့ သိရတယ်။ ဘယ်အဖွဲ့ကလုပ်မှန်းတော့ မသိပါဘူး " အဆိုပါ ဒေသခံတစ်ဦးက ပြောသည်။
သေနတ်ဖြင့် ပစ်ခတ်ခံရသည့် ဦးအောင်ကျော်စိုးသည် ခုတင် ၁၀၀၀ မင်္ဂလာဒုံစစ်ဆေးရုံသို့ တက်ရောက်ကုသမှု ခံယူစဥ် နေ့လည် ၂ နာရီခွဲတွင် သေဆုံးသွားပြီဖြစ်ကြောင်း YMBA အသင်းကလည်း ထုတ်ပြန်ထားသည်။
YMBA အသင်းသည် အကြမ်းဖက်စစ်ခေါင်းဆောင် မင်းအောင်လှိုင်ကို ထောက်ခံသည့် အဖွဲ့အစည်းတစ်ခုဖြစ်ကြောင်း လူသိများသည်။
လူငယ့်ခေတ် - Lu Nge Khit
Reviewed by THITHTOOLWIN
on
00:17
Rating:
No comments:
Post a Comment