ဒေါပိုးစီဘုန်းကြီးကျောင်းမှာ တပ်စွဲထားတဲ့ စစ်ကောင်စီနဲ့ KNDFတို့ တိုက်ပွဲဖြစ်ခဲ့ပြီး စစ်ကောင်စီက နေအိမ် နှစ်လုံး မီးရှို့ဖျက်ဆီးခဲ့
နိုဝင်ဘာ(၂၃)ရက် မနက် ၆နာရီ ၅၇မိနစ်အချိန်၊ ဒီးမော့ဆိုမြို့နယ် စံပြခြောက်မိုင် ဒေါပိုးစီဘုန်းကြီးကျောင်းမှာ တပ်စွဲနေတဲ့ စစ်ကောင်စီတပ်နဲ့ ကရင်နီအမျိုးသားကာကွယ်ရေးတပ် (KNDF)B-09 ပူးပေါင်းတပ်ဖွဲ့တို့ တိုက်ပွဲ ငါးမိနစ်ကြာ ဖြစ်ပွားခဲ့တယ်လို့ (KNDF) B-09 တာဝန်ရှိသူတစ်ဦးက ကန္တာရဝတီတိုင်း(မ်)ကို ပြောပါတယ်။
" စစ်ကောင်စီဖက်ကတော့ နှစ်ယောက်ကျတယ်။ထိခိုက်ဒဏ်ရာတချို့တော့ ရှိမယ်။ ဒါပေမယ့် အတည်မပြုနိုင်သေးဘူးပေါ့နော။ "
ဒေါပိုးစီ ဘုန်းကြီးကျောင်းရှေ့က နေအိမ်နှစ်လုံး ကို စစ်ကောင်စီက မီးရှို့ဖျက်ဆီးခဲ့တယ်လို့ သူကဆက်ပြောပါတယ်။ မနေ့က(နိုဝင်ဘာလ ၂၂ရက်)မှာလည်း စံပြခြောက်မိုင် ကျေးရွာ၊ ဒေါပိုးစီကျေးရွာ အနီးတစ်ဝိုက်မှာ ကရင်နီအမျိုးသားကာကွယ်ရေး ပူးပေါင်းတပ်ဖွဲ့နဲ့ စစ်ကောင်စီတပ်တို့ တိုက်ပွဲသုံးကြိမ်ဖြစ်ခဲ့ပြီး စစ်ကောင်စီတပ်သား(၂)ဦးသေဆုံးခဲ့တယ်လို့ KNDFက ထုတ်ပြန်ခဲ့ပါတယ်။
Kantarawaddy Times
Reviewed by THITHTOOLWIN
on
17:52
Rating:
No comments:
Post a Comment