ရန်ကုန်၊ နိုဝင်ဘာ ၂၃
ရန်ကုန်တိုင်း မှော်ဘီမြို့နယ်ရှိ လျှပ်စစ်ရုံးရှေ့တွင် ယနေ့ (နိုဝင်ဘာ ၂၃) နေ့လည်ပိုင်းက ဗုံးနှစ်လုံးပေါက်ကွဲပြီး ဝန်ထမ်းတချို့ ထိခိုက်ဒဏ်ရာရရှိခဲ့ကြောင်း ဒေသခံများက ပြောသည်။
နံနက် ၁၁ နာရီခွဲဝန်းကျင်က အဆိုပါရုံးရှေ့တွင် ရပ်ထားသည့် ဆိုင်ကယ်တစ်စီးမှာ ချိတ်ထားသော ကြွတ်ကြွတ်အိတ် အနက်ရောင်အတွင်းမှ ဗုံး ၂ လုံးဆက်တိုက်ပေါက်ကွဲခြင်းဖြစ်ကြောင်း မြို့ခံတစ်ဦးက ပြောသည်။
" ဆိုင်ကယ်ပေါ်က အိတ်အနက်ထဲကနေ ထပေါက်တာပါ။ တစ်လုံးပေါက်ပြီး ၅ မိနစ်လောက်ပဲ ကြာတယ်။ နောက်တစ်လုံး ထပ်ပေါက်တာပါ။ အသံအကျယ်ကြီးပဲ ကြားလိုက်ရတယ်။ ဝန်ထမ်းအချို့ ဒဏ်ရာရတယ်လို့ သိရတယ်။ အခုတော့ ဆေးရုံဘက်ကို ခေါ်သွားကြပါပြီ။ သေဆုံးမှုတော့ မရှိဘူးလို့ သိရပါတယ် " ဟု ၄င်းက ပြောသည်။
အဆိုပါဖြစ်စဉ်ကြောင့် ထိခိုက်သေဆုံးမှုနှင့်ပတ်သက်၍ လူငယ့်ခေတ်အနေဖြင့် သီးခြားအတည်မပြုနိုင်သေးပါ။
ထို့ပြင် ယနေ့ နံနက်ပိုင်း၌ မှော်ဘီမြို့နယ် တပ်ကြီးကုန်းကျေးရွာအနီး ရန်ကုန်-ပြည် ကားလမ်း ဘေးတွင် စိုက်ထားသည့် ပန်းအိုးအတွင်း မပေါက်ကွဲသေးသော လက်လုပ်ဗုံးတစ်လုံး တွေ့ရှိခဲ့သေးကြောင်း ဒေသခံတချို့ ထံမှ သိရသည်။
Lu Nge Khit
Reviewed by THITHTOOLWIN
on
21:31
Rating:
No comments:
Post a Comment