မော်လမြိုင်၊ နိုဝင်ဘာ၂၇
တနင်္သါရီတိုင်းဒေသကြီး၊ ထားဝယ်ခရိုင်၊ သရက်ချောင်းမြို့နယ် ကြာအင်းကျေးရွာအုပ်စု၊ သရဲတောင်ရွာမှာ နိုဝင်ဘာ ၂၆ ရက် ညနေ ၅ နာရီခန့်က စစ်အုပ်စုသတင်းပေးတစ်ဦး သေနတ်ပစ်သတ်ခံရတယ်လို့ ဒေသခံတွေထံမှ သိရပါတယ်။
စစ်ကောင်စီသတင်းပေးဒလန်ဟု စွပ်စွဲခံထားရတဲ့သူ ဦးအောင်ဝင်းဆိုသူမှာ သရဲတောင်နဲ့ ကင်းရွာကြားဆက်သွယ်ထားတဲ့ ကြိုးတံတားနားက ဓနိတောမှာ သေနတ်ပစ်သတ်ခံရတယ်လို့ ဒေသခံတစ်ဦးက သံလွင်တိုင်းမ်ကို ပြောပါတယ်။
" ရွာမှာတော့ သူက စစ်ကောင်စီတပ်ဖွဲ့တွေကို သတင်းပေးသူတစ်ယောက်လို့ လူသိများတယ်၊ သူ့ကို ဓနိတောတစ်ခုမှာ သေနတ်ပစ်ခံထားရတဲ့ ဒဏ်ရာနဲ့ သေနေတာ ညနေပိုင်းလောက်က ရွာခံတစ်ဦးက တွေ့တာပါ။ ဘယ်သူ ပစ်သွားတာလဲတော့ မသိရသေးဘူး"လို့ ဆိုပါတယ်။
ဦးအောင်ဝင်းက သရဲတောင်ကျေးရွာအုပ်ချုပ်ရေးပိုင်းမှာ ပါဝင်နေသူတစ်ဦးဖြစ်ပြီး ၎င်းက လွန်ခဲ့တဲ့ရက်ပိုင်းမှာ ဗျူစောထီးအဖွဲ့ဝင်တချို့နဲ့ ပြဿနာအနည်းငယ်ဖြစ်ထားတယ်လို့ ဒေသခံတွေက ဆိုပါတယ်။
သတင်း - သံလွင်တိုင်းမ် / Than Lwin Times
Reviewed by THITHTOOLWIN
on
06:34
Rating:
No comments:
Post a Comment