မော်လမြိုင်၊ နိုဝင်ဘာ ၁၄
တနင်္သာရီတိုင်းဒေသကြီး သရက်ချောင်းမြို့နယ် စော်ဖျားကျေးရွာအုပ်စုမှာ ရာအိမ်မှူးဟောင်းတစ်ဦး ဒီကနေ့ နံနက်အစောပိုင်းမှာ သေနတ်ပစ်သတ်ခံရတယ်လို့ ဒေသခံတွေထံမှ သိရပါတယ်။
နိုဝင်ဘာ ၁၄ ရက် နံနက် ၁ နာရီခွဲဝန်းကျင်မှာ ကျောက်လှေကားရွာ ရော်ဘာခြံသွားရောက်ချိန်မှာ သေနတ်ပစ်သတ်ခံရခြင်းဖြစ်တယ်လို့ ဒေသခံတစ်ဦးက သံလွင်တိုင်းမ်ကို ပြောပါတယ်။
" မနက်အစောပိုင်းမှာ သူ့ရော်ဘာခြံထဲအသွားမှာ သေနတ်ပစ်သတ်ခံရတာ၊ ဦးခေါင်းမှာထိသွားတယ်၊ ပွဲချင်းပီးပဲ သေတယ်။ သူအရင်က ရာအိမ်မှူးလုပ်ခဲ့ဖူးတယ်၊ အခုတော့ သူမလုပ်တော့ဘူး" လို့ ဆိုပါတယ်။
အသတ်ခံရသူမှာ စိုးနိုင်(ခေါ်)ဦးမောင်နိုင်ဖြစ်ပြီး သူဟာ စစ်အုပ်စုသတင်းပေးလုပ်ဆောင်နေပြီး နောက်ထပ်မလုပ်ဆောင်ဖို့ သတိပေးခံထားရပေမယ့် ဆက်လက်လုပ်ဆောင်နေတာဖြစ်လို့ ဒေသခံပြည်သူ့ကာကွယ်ရေးတပ်ဖွဲ့တွေက သေနတ်ပစ်သတ်ခဲ့တာလို့ ဆိုပါတယ်။
သတင်း - သံလွင်တိုင်းမ် - Than Lwin Times
Reviewed by THITHTOOLWIN
on
18:11
Rating:
No comments:
Post a Comment