မြစ်ကြီးနားမြို့နယ် နောင်နန်း ကျမ်းစာသင်ကျောင်းအနီးရှိနေအိမ်တစ်အိမ်တွင် စစ်ကောင်စီတပ်မှ အရပ်ဝတ်များဖြင့် ရောက်လာပြီး သေနတ်လေးချက်ပစ်ကာ လူငယ်သုံးဦးနှင့် အမျိုးသမီးတစ်ဦးကို ယနေ့ညနေ ၃နာရီခန့်၌ ဖမ်းဆီးသွားကြောင်း သိရသည်။
"စစ်ကောင်စီတပ်သားတွေ အယောက် ၂၀ လောက်က အရပ်ဝတ်နဲ့ ရောက်လာတယ်၊ ပြီးတော့ အိမ်ကအဖွားကို ပုံပြတာတဲ့ သူ့ကိုသိလားဆိုပြီး။ အဖွားမသိဘူးလို့ပြောတာ။ အဲစစ်ကောင်စီအဖွဲ့က တစ်ခါတည်း အိမ်ထဲဝင်ရှာပြီး ညီအစ်ကို ၃ ယောက်ကို ဖမ်းသွားတာ။ သေနတ်လည်း ၄ ချက် ဖောက်တယ်။"ဟု ဒေသခံတစ်ဦးကဆိုသည်။
ထိုဖြစ်စဥ်ကို ဓာတ်ပုံရိုက်နေသည့် မိန်းကလေးကိုလည်း စစ်ကောင်စီတပ်များသည် ထိုးကြိတ်ကာ ဖမ်းဆီးသွားကြောင်း ဒေသခံတစ်ဦးက ပြောသည်။
နေအိမ်တွင် အားသွင်းထားသည့် ဖုန်းတစ်လုံးကိုလည်း ယူသွားကြောင်း သိရသည်။
ဘာကြောင့် ဖမ်းဆီးသွားသည့်အကြောင်းရင်းကို မသိရကြောင်းလည်း ဆိုသည်။
Kachinwaves
Reviewed by THITHTOOLWIN
on
19:31
Rating:
No comments:
Post a Comment