28 August 2021 - Kachinwaves
ရှမ်းပြည်နယ်မြောက်ပိုင် မုံးကိုးမြို့နယ်၊ မန်ခွမ်နှင့် မန်ပိန်းတို့ ကြားလှုပ်ရှားနေသည့် စစ်ကောင်စီစစ်ကြောင်းတစ်ခုအား ယနေ့ညနေပိုင်းတွင် ကေအိုင်အေ နှင့် ကိုးကန့်တပ် MNDAA တို့ ပူးပေါင်းတိုက်ခိုက်ရာ စစ်ကောင်စီဘက်မှ တပ်ရင်းမှူးနှစ်ဦးအပါ တပ်ရင်းတစ်ခုလုံးနီးပါး ကျဆုံးသွားကြောင်း သတင်းရရှိသည်။
"တက်လာတဲ့ စစ်ကောင်စီစစ်ကြောင်းကို ဝိုင်းပြီးတိုက်တာတဲ့။ တပ်ရင်းမှူးက ၃ယောက်ပါတယ်ပြောတယ်။ နှစ်ယောက်က သေသွားတယ်၊ တစ်ယောက်က ဒဏ်ရာပြင်းထန်လို့ မုံးကိုးဗျူဟာက လေယာဥ်နဲ့လာသယ်သွားတယ်တဲ့။ တပ်ရင်းတစ်ခုလုံးနီးပါး ကျသွားတယ်တဲ့။ ရာဂဏန်းရှိတယ်တဲ့"ဟု ဒေသခံတစ်ဦးကဆိုသည်။
အဆိုပါ နေရာတွင် ယနေ့နံနက် ၈ နာရီမှ ၁၀ နာရီထိတစ်ကြိမ်ယနေ့ညနေ ၄ နာရီမှ ၇ နာရီထိတစ်ကြိမ် တိုက်ပွဲပြင်းထန်ခဲ့ပြီး ယနေ့ညနေတိုက်ပွဲ၌ စစ်ကောင်စီဘက်မှ အကျအဆုံးများကြောင်းသိရသည်။
အဆိုပါဒေသဘက် တက်လာသည့် စစ်ကောင်စီတပ်ရင်း ၃ ခုဖြစ်ပြီး ယနေ့ညကျသွားသည့် တပ်ရင်းမှာ အမှတ် (၅၂၅)ခမရ တပ်ရင်းဖြစ်ကြောင်း သိရသည်။
Kachinwaves
Reviewed by THITHTOOLWIN
on
01:03
Rating:
No comments:
Post a Comment