စစ်ကောင်စီ လက်နက်ကိုင်နှင့် PDF (Kalay) တိုက်ပွဲ စစ်ကောင်စီ ဘက်မှ ၄ ဦးသေ၊ PDF အဖွဲ့မှ ၃ ဦးဒဏ်ရာရ
3 June 2021-Kachinwaves
ယနေ့ နံနက်ပိုင်းတွင် ကလေးမြို့နယ်တောင်ပိုင်း အရှေ့စည်းရွာတွင် တပ်စွဲထားသော စစ်ကောင်စီ လက်နက်ကိုင် တပ်ဖွဲ့ဝင်များသည် ဒိုးနွယ်ကျေးရွာ သင်္ချိုင်းအနီး၌ PDF (Kalay) တပ်ဖွဲ့ဝင်များ နှင့် တိုပ်ပွဲဖြစ်ပွားရာ စစ်ကောင်စီတပ်ဖွဲ့ဝင် အနည်းဆုံး ၄ ဦး သေဆုံးခဲ့ကြောင်း PDF (Kalay) က ထုတ်ပြန်သည်။
PDF (Kalay) တပ်ဘက်ကလည်း တပ်ဖွဲ့ဝင် ၁ ဦး ဗိုက်ထိပြီး ၂ ဦး လက်ရှပ်ထိခဲ့ကာ ဒဏ်ရာရသူ အားလုံးမစိုးရိမ်ရကြောင်းလည်း ထုတ်ပြန်ထားသည်။
တိုက်ပွဲ ဖြစ်ပွားပြီး PDF (Kalay) တပ်ဖွဲ့ဝင်များ ပြန်လည်ဆုတ်ခွာချိန်တွင် စစ်ကောင်စီတပ်ဖွဲ့ဝင်များက လက်နက်ကြီးဖြင့် ပစ်ခတ်ခဲ့ရာ ဒိုးနွယ်ကျေးရွာ အရှေ့ပိုင်းအတွင်းသို့ လက်နက်ကြီး ၅ လုံး ကျခဲ့ပြီး နေအိမ်အချို့ ထိခိုက်ပျက်စီးခဲ့ကြောင်းလည်း သိရသည်။
ပြည်သူများ ထိခိုက်သေဆုံးမှုမရှိသော်လည်း စစ်ကောင်စီ၏ရန်ပြုတိုက်ခိုက်မှုမှလွတ်ကင်းရာသို့ နေရပ်စွန့်ခွာ၍အချိန်မီတိမ်းရှောင်ခဲ့ကြရကြောင်းလည်း ထုတ်ပြန်ထားသည်။
Kachinwaves
Reviewed by THITHTOOLWIN
on
21:07
Rating:
No comments:
Post a Comment