(၂/၅/၂၀၂၁)
ဒဂုံမြို့သစ်အရှေ့ပိုင်းမှာရှိတဲ့ မင်္ဂလာတောင်ညွန့်မြို့နယ် ပြည်သူ့လွှတ်တော်ကိုယ်စားလှယ် ဒေါ်ဖြူဖြူသင်းဦးစီးလုပ်ကိုင်နေတဲ့ NLD/NACစင်တာက HIVရောဂါဝေဒနာခံစားနေရတဲ့ကလေးငယ် သုံးဦးနဲ့ ဆေးကုသဖို့ရောက်ရှိနေတဲ့သူ ကိုးဦးကို အကြမ်းဖက်စစ်တပ်က ဒီကနေ့ ဖမ်းဆီးခေါ်ဆောင်သွားပါတယ်။
အခုလိုဖမ်းဆီးခေါ်ဆောင်သွားတာနဲ့ပတ်သက်ပြီး ဒေါ်ဖြူဖြူသင်းက သူ့ရဲ့လူမှုကွန်ယက်စာမျင်နှာမှာ အခုလိုပြောထားပါတယ်။
"ဒီနေ့တော့ ကျမတို့ဆေးရုံ NAC CENTER ကို အကြမ်းဖက်စစ်အုပ်စုဝင်ရောက်ဖမ်းဆိးပြီး ART ဆေးသောက်နေတဲ့ ကလေး ၃ ယောက် နဲ့ အခြားဆေးကုသဖို့ရောက်နေတဲ့သူ ၉ ဦးကို မတရားဖမ်းဆီးခေါ်ဆောင်သွားခဲ့ပါတယ် ။ ဒီ့လောက် လူစိတ်မရှိ ကျန်းမာရေးမကောင်းလို့ နေထိုင်နေတဲ့သူတွေကို ခေါ်ဆောင်သွားခဲ့တာပါ ။ ဆေးသောက်နေတဲ့ သူတွေ က အရင်ကတည်းကကျန်းမာရေးမကောင်းတဲ့သူတွေ ဖြစ်နေတာကြောင့် တစ်စုံတစ်ခုဖြစ်ခဲ့ ရင် အာဏာရူးတွေရဲ့ တာဝန်သာ ဖြစ် တယ်ဆိုတာ သိစေချင်တယ် ။ အာဏာရူးတွေအတွက် အချိန်မရှိနတာ့ ဘူးဆိုတာ သိစေချင်တယ် ။လူတိုင်းအပေါ်အညှိုးထားပြီးလုပ်နေတဲ့လုပ်ခဲ့တာတွေက ပြန်ပေးဆပ်ဖို့ အတွက်ပြင်ဆင်ထားပါလို့ပဲပြောချင်ပါတယ် ။ မြန်မာတစ်နိုင်ငံလုံးမှာရှိတဲ့ လူတွေရဲ့ ဘဝတွေ အသက်တွေဟာ ဒီအတိုင်းပြီးမသွားဘူး ပြန်ပေးဆပ်နိုင်ဖို့အတွက်ပြင်ဆင်ထားပါလို့ပဲပြောချင်တယ် "
မင်္ဂလာတောင်ညွန့်မြို့နယ် ပြည်သူ့လွှတ်တော်ကိုယ်စားလှယ် ဒေါ်ဖြူဖြူသင်းဟာ ပြည်ထောင်စုလွှတ်တော်ကိုယ်စားပြုကော်မတီ CRPHမှာ ပါဝင်ဦးဆောင်နေသူတစ်ဦးဖြစ်ပြီး အကြမ်းဖက်စစ်တပ်က ဖမ်းဆီးဖို့ကြိုးပမ်းခံနေရသူလည်းဖြစ်ပါတယ်။
Burma News Network
Reviewed by THITHTOOLWIN
on
21:26
Rating:
No comments:
Post a Comment