 |
ထိန်းသိမ်းထားတဲ့ NLD ခေါင်းဆောင်တွေကို ရုံးထုတ် ရန်ကုန်တိုင်း၊ ဘဏ္ဍာရေးဝန်ကြီး ဦးရဲမင်းဦး။ Photo: RFA |
NLD အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့ဝင် ဦးဟံသာမြင့်၊ ဦးသိန်းဦးနဲ့ ရန်ကုန်တိုင်း၊ ဘဏ္ဍာရေးဝန်ကြီး ဦးရဲမင်းဦးတို့ကို အင်းစိန်ထောင်မှာ ဧပြီ ၂ ရက်နေ့က ရုံးထုတ်ခဲ့ပါတယ်။
အင်းစိန်ထောင်မှာပဲ မြို့နယ်တရားရုံးခန်းတွေ ဖွဲ့ထားပြီး ဦးဟံသာမြင့်နဲ့ ဦးသိန်းဦးတို့ကို ဗဟန်းမြို့နယ် တရားရုံးနဲ့ ဦးရဲမင်းဦးကို ဒဂုံမြို့နယ်တရားရုံးမှာ ရုံးထုတ်ခဲ့တာပါ။
ဦးဟံသာမြင့်နဲ့ ဦးသိန်းဦးတို့ကို နိုင်ငံတော် အကြည်ညိုပျက်စေမှု ၅၀၅-(ခ)၊ ဦးရဲမင်းဦးကို ယုံကြည် အပ်နှံရေး ချိုးဖောက်မှု ပြစ်မှုနဲ့ အကျုံးဝင်တဲ့ ရာဇသတ်ကြီး ဥပဒေ ပုဒ်မ -၄၀၉ တို့နဲ့ စွဲချက်တင်ပါတယ်။
လာမယ့် ဧပြီလ ၉ ရက်နေ့မှာ ဗဟိုအလုပ်အမှုဆောင် ဦးဉာဏ်ဝင်းကို ရုံးထုတ်မှာ ဖြစ်ပါတယ်။ အင်းစိန်ထောင်မှာ နှစ်ယောက် တခန်းစီ နေထိုင်ရပြီး ဦးဉာဏ်ဝင်းနဲ့ ရန်ကုန်တိုင်း၊ လူမှုရေးဝန်ကြီး ဦးနိုင်ငံလင်းတို့ တခန်းထဲ နေနေရတယ်လို့ သိရပါတယ်။
RFA Burmese
https://www.rfa.org/burmese/news/detained-nld-leaders-04022021143214.html
Reviewed by THITHTOOLWIN
on
04:25
Rating:
No comments:
Post a Comment