ဧပြီလ၂၄ ရက်နေ့ကျရင် အင်ဒိုနီးရှားနိုင်ငံရဲ့ မြို့တော် ဂျကာတာမှာ ကျင်းပဖို့ရှိတဲ့ အာစီယံထိပ်သီး ဆွေးနွေးပွဲ ကို ဗိုလ်ချုပ်မှူးကြီး မင်းအောင်လှိုင် တက်လိမ့်မယ်လို့ ထိုင်းနိုင်ငံခြားရေးဝန်ကြီးဌာနရဲ့ ပြောခွင့်ရပုဂ္ဂိုလ်က စနေနေ့တုန်းက အတည်ပြုပြောဆိုတဲ့အကြောင်း Reuters သတင်းမှာ မနေ့က ဖော်ပြထားပါတယ်။
စစ်ကောင်စီဘက်ကတော့ အာစီယံဆွေးနွေးပွဲကို ဘယ်သူတက်မယ်ဆိုတာ ထုတ်မပြောသေးပါဘူး။ ASEAN အသင်းအနေနဲ့ ဗိုလ်ချုပ်မှူးကြီး မင်းအောင်လှိုင် ကို အစည်းအဝေးတက်ဖို့ ဖိတ်မယ့်အစား အမျိုးသား ညီညွတ်ရေး အစိုးရ NUG ကို ဖိတ်သင့်တယ်လို့လည်း Global Center for R2P အဖွဲ့ရဲ့ အမှုဆောင် ညွှန်ကြားရေးမှူးက ဆိုပါတယ်။ ဒီအဖွဲ့ဟာ နိုင်ငံတကာက လူ့အခွင့်အရေးအဖွဲ့အစည်းတွေ ပါဝင်တဲ့ အဖွဲ့ ဖြစ်ပြီး ကုလသမဂ္ဂက လက်ခံထားတဲ့ အကာကွယ်ပေးဖို့ တာဝန်ရှိတယ်ဆိုတဲ့ R2P လုပ်ငန်းစဉ်ကို အကောင်အထည်ဖော်နေတဲ့အဖွဲ့လည်း ဖြစ်ပါတယ်။
RFA Burmese
Reviewed by THITHTOOLWIN
on
00:26
Rating:
No comments:
Post a Comment