 |
| ဓာတ်ပုံ-ဒေါနခြံရပ်ကွက်သပိတ်ကို လောကမာရဇိန်ဘုရားရင်ပြင်၌ တွေ့ရစဉ် |
မုံရွာ၊ဧပြီ-၄
မုံရွာမြို့ မိန်းလမ်းနှင့် ပြည်ထောင်စုလမ်းကြား ဒေါနခြံရပ်ကွက်သပိတ်မှာ ယနေ့ညနေ ၄နာရီက ဖြိုခွင်းခံရပြီး လူငယ်၄ဦး ဖမ်းခံရကြောင်း သပိတ်တွင်ပါဝင်သူတစ်ဦးကပြောသည်။
ဖမ်းဆီးခံရမှုတွင် အမျိုးသား ၄ဦး၊ အမျိုးသမီး ၂ဦးပါပြီး အမျိုးသမီးများကို ပြန်လွှတ်ပေးခဲ့သည်ဟု သိရသည်။
ရပ်ကွက်သပိတ်သည် လှည့်လည်ဆန္ဒပြပြီး တောင်ကုန်းလောကမာရဇိန်ဘုရားအနီး ခေတ္တရပ်နားစဉ် ဖြိုခွင်းခံရခြင်းဖြစ်သည်။
"ပုံမှန်ဆို မနက် တစ်ကြိမ်၊ညတစ်ကြိမ် ရပ်ကွက်ထဲပဲပြတာ၊ဒီနေ့မှ ညနေသပိတ်လုပ်တာ၊ပြည်ထောင်စုလမ်းဘက်က စစ်ကားတွေလာတော့ ပြေးဆိုပြီးပြေးကြတာ၊ ရိုက်နှက်ပြီးဖမ်းသွားတော့ အဲဒီဘုရားရှေ့မှာသွေးတွေတွေ့တယ် "ဟု ဒေါနခြံရပ်မှ အမျိုးသမီးကပြောသည်။
ဖမ်းဆီးခံရသူများမှာ ကိုဌေး (အောင်ထွေးလင်း)၊ကိုဇော်လွင်၊ကိုထွန်းဝင်းနှင့်အမည်မသိ အမျိုးသားတစ်ဦးဖြစ်သည်။
ဒေါနခြံရပ်ကွက်သပိတ်မှာ အင်အား ၃၀ခန့်ရှိပြီး အများစုမှာ အမျိုးသမီးများဖြစ်သည်ဟု ဆိုသည်။
Monywa Gazette
Reviewed by THITHTOOLWIN
on
20:48
Rating:
No comments:
Post a Comment