ပြည်သူတွေ တိုက်ခိုက်ခံရမှုကို လုံခြုံရေးကောင်စီမှာ သက်သေနဲ့ တင်ပြမယ်လို့ CRPH ပြော

သောကြာနေ့ ပြုလုပ်မယ့် လုံခြုံရေးကောင်စီ အထူးအစည်းအဝေးမှာ စစ်ကောင်စီက လက်နက်မဲ့ ပြည်သူတွေအပေါ် အကြမ်းဖက်သတ်ဖြတ်မှု၊ ပြည်သူလူထုရဲ့ လူနေ အိမ်ခြေတွေကို စစ်မြေပြင်လို အငြိုးတကြီး တိုက်ခိုက်နေတဲ့ ရာဇဝတ်မှုတွေကို သက်သေ သာဓက အထောက်အထားတွေနဲ့ တင်ပြမယ်လို့ ခေတ္တ နိုင်ငံခြားရေးဝန်ကြီး ဒေါ်ဇင်မာအောင်က CRPH စာမျက်နှာမှာ ဗီဒီယိုနဲ့ ပြည်သူလူထုကို ပြောထားပါတယ်။

ပြည်သူလူထုအတွက် တရားမျှတမှု ပြန်ရဖို့ နိုင်ငံတကာ အသိုင်းအဝိုင်းနဲ့ ချိတ်ဆက် ဆောင်ရွက်နေသလို မြေပြင်မှာလှုပ်ရှားနေတဲ့ တက်ကြွလှုပ်ရှားသူတွေနဲ့လည်း ထိစပ်ပူးပေါင်းနေပါတယ်လို့ သူက ပြောပါတယ်။

လုံခြုံရေးကောင်စီ အစည်းအဝေးမှာ တင်ပြနိုင်ဖို့ သက်သေတွေ အတွက် အထောက်အပံ့ဖြစ်နိုင်အောင် ဗီဒီယိုနဲ့ ဓာတ်ပုံတွေကို စီအာပီအိပ် စာမျေက်နှာနဲ့ အီးမေးကို ပေးပို့ကြဖို့လည်း ဖိတ်ခေါ်ထားပါတယ်။

အင်အား အဆမတန်ကြီးမားသူတွေကို လက်နဲ့မဲ့ ပြည်သူတွေက ငြိမ်းငြိမ်း ချမ်းချမ်းတဲ့ အာခံ တုံ့ပြန်နေတာကို လေးစား တဲ့အကြောင်းနဲ့ ပြည်သူတွေ ခံစားနေရတဲ့ ဒုက္ခတွေကို ထပ်တူ ခံစားရတယ်လို့ ဒေါ်ဇင်မာအောင်က ပြောပါတယ်။

BBC Burmese

https://www.bbc.com/burmese/live/burma-56245583