 |
| ဓာတ်ပုံ-တရားစွဲဆိုခံထားရသူများစာရင်း |
 |
| ဓာတ်ပုံ-တရားစွဲဆိုခံထားရသူများစာရင်း |
မုံရွာ၊မတ် - ၁
မုံရွာတွင် ဖေဖော်ဝါရီ ၂၇ ရက်က ပြသာဒ်ကျောင်းအနီး ဖမ်းဆီးခံရသူများအနက် မုံရွာအကျဥ်းထောင်တွင် ထိန်းသိမ်းထားသည့် ၃၂ ဦးမှာ ယနေ့ညနေပိုင်းက ရာဇသတ်ကြီးပုဒ်မ ပုဒ်မ ၅၀၅ - ကဖြင့် တရားစွဲဆိုခံထားရကြောင်း မုံရွာခရိုင်ရှေ့နေများကွန်ယက်က ပြောသည်။
တရားစွဲခံရသူအများစုသည် နည်းပညာတက္ကသိုလ်မှ ဖြစ်ပြီး အမျိုးသား ၃၀ဦးနှင့် အမျိုးသမီး ၂ဦးဖြစ်သည်။
" ဗွီဒီယိုကောစနစ်နဲ့ ရမန်ပေးတာဆိုတော့ အာမခံကနောက် ၁၅ရက်နေမှရမှာ။ အာမခံရဖို့နဲ့ ဥပဒေရဲ့အကာအကွယ်ရဖို့ ကြိုးစားဆောင်ရွက်ပေးသွားမှာပါ။ "ဟု မုံရွာခရိုင်ရှေ့နေများကွန်ယက်ဝင် တစ်ဦးက ပြောသည်။
၎င်းနေ့က ဖမ်းဆီးခံရသူ ၂၀၀နီးပါးကို သုံးကြိမ်ခွဲ၍ စစ်ဆေးပြန်လွှတ်ပြီး ကျန်ရှိသူ ၃၂ဦးမှာ အမှုဖွင့်ခံရခြင်း ဖြစ်သည်။
ပုဒ်မ ၅၀၅-ကတွင် ကြောက်လန့် ထိတ်လန့်စေခြင်း၊ သတင်းအမှားဖြန့်ဝေခြင်း၊ အစိုးရ၀န်ထမ်းကို တိုက်ရိုက် သို့မဟုတ် သွယ်ဝိုက် ခြိမ်းခြောက်ခြင်း၊ တိုက်ခိုက်ခြင်းတို့ပြုလုပ်ပါက တရားရုံးမှ ၀ရမ်းမပါပဲ ဖမ်းဆီးနိုင်ပြီး ဒဏ်ငွေအပါအ၀င် ထောင်ဒဏ် သုံးနှစ်အထိချနိုင်သည်ဟု ဖော်ပြထားသည်။
Monywa Gazette
Reviewed by THITHTOOLWIN
on
23:45
Rating:
No comments:
Post a Comment