 |
| ရန်ကုန် သာကေတ စစ်အာဏာရှင် ကန့်ကွက်ဆန္ဒပြ (မတ်၊၁၉ ၊၂၀၂၁) |
စစ်တပ်က အပြင်းအထန် နှိမ်နင်းခဲ့တဲ့ လှိုင်သာယာမြို့နယ်နဲ့ တခြား ဒေသတွေမှာ လက်နက်မဲ့အရပ်သားတွေ ကိုလုံခြုံရေးတပ်ဖွဲ့ဝင်တွေက မကြာခဏဆိုသလို ညဘက်တွေမှာပါ ရက်ရက်စက်စက် အကြမ်းဖက် နှိမ်နှင်းနေတာတွေဟာ သူရဲဘောကြောင်ပြီး လူ့ကျင့်ဝတ်နဲ့မညီတဲ့ လုပ်ရပ်တွေ ဖြစ်တယ်လို့ အမေရိကန်ပြည်ထောင်စု၊ ဗြိတိန်၊ မြန်မာနိုင်ငံဆိုင်ရာ ဥရောပသမဂ္ဂရုံးနဲ့ ဥရောပသမဂ္ဂ အဖွဲ့ဝင်နိုင်ငံ ၉ နိုင်ငံက မြန်မာနိုင်ငံဆိုင်ရာ သံအမတ်ကြီးတွေက ဒီကနေ့ ပြောဆိုလိုက်ပါတယ်။
မြန်မာပြည်သူတွေအပေါ် အကြမ်းဖက်လုပ်ရပ်အားလုံး ရပ်တန့်ဖို့၊ ဖမ်းဆီးထားသူတွေ အားလုံးပြန်လွှတ်ပေး ဖို့၊ စစ်အုပ်ချုပ်ရေးအမိန့်နဲ့ တနိုင်ငံလုံးအတိုင်းအတာနဲ့ နိုင်ငံတော်အရေးပေါ် အခြေအနေ ကြေညာ ထားတာတွေကို ရုတ်သိမ်းပေးဖို့၊ ဆက်သွယ်ရေး ကန့်သတ်ထားတာတွေ ပယ်ဖျက်ပေးဖို့၊ ဒီမိုကရေစီနည်းကျ ရွေးကောက်တင်မြှောက်ထားတဲ့ အစိုးရကို အာဏာပြန်လည်ပေးအပ်ဖို့မြန်မာစစ်တပ်ကို တောင်းဆိုကြောင်းလည်း သံအမတ်ကြီးတွေ ပူးတွဲထုတ်ပြန်တဲ့ကြေညာချက်မှာ ဖော်ပြထားပါတယ်။
ရှမ်းပြည်နယ် အောင်ပန်းမြို့မှာ စစ်အာဏာရှင်ဆန့်ကျင်ရေး ဒီကနေ့ဆန္ဒပြပွဲကို နှိမ်နင်းဖြိုခွဲမှုအတွင်း အနည်းဆုံး ၈ ဦး သေဆုံးခဲ့ပြီး ဒဏ်ရာရသူ ၁၀ ဦးထက်မနည်းရှိခဲ့တယ်လို့မျက်မြင်တဦးက ဗွီအိုအေကိုပြောပါတယ်။ ကိုယ်တိုင်တွေ့ခဲ့ရသူ မြို့ခံနောက်တဦးကလည်း -
ဒီကနေ့ တောင်ငူ၊ လားရှိုး၊ မြင်းခြံ၊ စစ်ကိုင်း၊ မုံရွာ၊ ဖားကန့်၊ မြိုင်၊ မန္တလေး၊ ညောင်ဦး စတဲ့ မြို့နယ်တွေမှာလည်း လမ်းလျှောက် သပိတ်၊ တောင်တွင်းကြီးမြို့မှာတော့ညနေ ၄ နာရီဝန်းကျင်မှာ ဆိုင်ကယ်အစီး ၅၀ လောက်နဲ့ ပြတဲ့ ဆိုင်ကယ်သပိတ် တွေရှိခဲ့ပြီးနိုင်ငံတဝန်း စစ်အာဏာရှင်ဆန့်ကျင်ရေး လှုပ်ရှားမှုတွေကတော့ ပုံစံ အမျိုးမျိုးနဲ့ ဆက်ရှိနေပါတယ်။
ရန်ကုန်မြို့က စစ်အာဏာရှင် ဆန့်ကျင်ရေး လှုပ်ရှားမှုတွေကို စစ်တပ်က နေ့ရောညပါ နှိမ်နင်းတာတွေ ဆက်လုပ်နေပြီး ဒီကနေ့ သာကေတက သပိတ်စစ်ကြောင်းကို ဖြိုခွင်းတာမှာ လူ ၃ ဦးထက်မနည်း ဒဏ်ရာရရှိခဲ့ပြီး ဖမ်းဆီးခံရသူတချို့လည်း ရှိခဲ့ပါတယ်။တောင်ဒဂုံမြို့နယ်က ၂၂ ရပ်ကွက်မှာ ဆန္ဒပြသူတွေကို ပစ်ခတ်ဖမ်းဆီးလို့ ညနေ ၅နာရီဝန်းကျင်မှာ သေဆုံးသူတဦးရှိခဲ့ပါတယ်။
မရမ်းကုန်းနဲ့ သန်လျှင်မြို့နယ်တွေမှာ ဒီကနေ့ လူမဲ့သပိတ်တွေ လုပ်ခဲ့ကြပြီး တာမွေ၊ ကမာရွတ်၊ လှိုင်နဲ့ စမ်းချောင်းမြို့နယ်တွေမှာ လမ်းလျှောက်သပိတ်၊ ထိုင်သပိတ်တွေ ဆင်နွှဲခဲ့ကြပါတယ်။
ဗွီအိုအေ (မြန်မာဌာန)
Reviewed by THITHTOOLWIN
on
03:53
Rating:
No comments:
Post a Comment