တရားမဝင် အကြမ်းဖက်အာဏာသိမ်း စစ်ကောင်စီ၏ အကျိုးစီးပွားအတွက် မြန်မာ့ကျောက်မျက် ရတနာပြပွဲဗဟိုကော်မတီက ကျင်းပဆောင်ရွက်မည့် ၂၀၂၁ ခုနှစ် ပုလဲအတွဲများနှင့်ကျောက်မျက်ရတနာများ မြန်မာကျပ်ငွေဖြင့် ရောင်းချပွဲသည် တရားမဝင်ကြောင်းနှင့် ပူးပေါင်းပါဝင် ရောင်းချ၊ ဝယ်ယူသည့် ကျောက်မျက် ရတနာလုပ်ငန်းရှင်များနှင့် ကုမ္ပဏီများအား အမည်ပျက်စာရင်း ( Black List ) တွင် ထည့်သွင်း သတ်မှတ်၍အရေး ယူ ဆောင်ရွက်သွားမည်ဖြစ်ကြောင်း အသိပေးကြေညာချက်။

ကြေညာချက်အမှတ်(၄/၂၀၂၁)

၁၃၈၂ ခုနှစ်၊ တပေါင်းလဆန်း (၁၀) ရက်

(၂၀၂၁ ခုနှစ်၊ မတ်လ ၂၂ ရက်)

အကြောင်းအရာ ။  ။ တရားမဝင် အကြမ်းဖက်အာဏာသိမ်း စစ်ကောင်စီ၏ အကျိုးစီးပွားအတွက် မြန်မာ့ကျောက်မျက် ရတနာပြပွဲဗဟိုကော်မတီက ကျင်းပဆောင်ရွက်မည့် ၂၀၂၁ ခုနှစ် ပုလဲအတွဲများနှင့်ကျောက်မျက်ရတနာများ မြန်မာကျပ်ငွေဖြင့် ရောင်းချပွဲသည်  တရားမဝင်ကြောင်းနှင့် ပူးပေါင်းပါဝင် ရောင်းချ၊ ဝယ်ယူသည့် ကျောက်မျက် ရတနာလုပ်ငန်းရှင်များနှင့် ကုမ္ပဏီများအား အမည်ပျက်စာရင်း ( Black List ) တွင် ထည့်သွင်း သတ်မှတ်၍အရေး ယူ ဆောင်ရွက်သွားမည်ဖြစ်ကြောင်း အသိပေးကြေညာချက်။

ရည်ညွှန်းချက်  ။  ။ ဒုတိယသမ္မတဦးဆောင်ကျင်းပသည့် ပြည်ထောင်စုအစိုးရအဖွဲ့ အစည်းအဝေး အမှတ်စဉ် (၂/၂၀၂၁) ဆုံးဖြတ်ချက်

၁။ ပြည်ထောင်စုသမ္မတ မြန်မာနိုင်ငံတော်၏ ရေနံ၊ သဘာ၀ဓာတ်ငွေ့၊ ကျောက်မျက်၊ သတ္တု စသော သယံဇာတများသည် ပြည်ထောင်စုတစ်ဝှမ်းရှိ နိုင်ငံသားပြည်သူများ၏ ဘိုးဘွားပိုင်အမွေအနှစ်ဖြစ်ပြီး မျက်မှောက်နှင့် အနာဂတ်ပြည်သူများအတွက် စနစ်တကျ ထုတ်ယူသုံးစွဲရမည် ဖြစ်ပါသည်။

၂။ တရားမဝင် အာဏာသိမ်း စစ်ကောင်စီ သည် ယင်းတို့၏ ပုဂ္ဂလိက အကျိုးစီးပွားအတွက် ကျောက်မျက်ရတနာ ပြပွဲတစ်ရပ်ကို မကြာမီ ကျင်းပနိုင်ရန် စီစဉ်လျက်ရှိကြောင်း သိရှိရသည်။

၃။ နိုင်ငံအတွင်း ကိုရိုနာဗိုင်းရပ် ကိုဗစ်-၁၉ ကပ်ရောဂါ ဆက်လက်ဖြစ်ပွားနေသည့်ကာလ ဖြစ်သည့်အပြင် အာဏာသိမ်း စစ်ကောင်စီ၏ အဆင်အခြင်မဲ့ လုပ်ရပ်များကြောင့် ပြည်သူလူထု နေ့စဉ်ထိခိုက်နစ်နာနေသော ယခုကာလတွင် နိုင်ငံ၏သယံဇာတ များကို ရောင်းချခြင်းသည် ခွင့်လွှတ်နိုင်ဖွယ် မရှိသောလုပ်ရပ်ဖြစ်သည်။

၄။ သို့ဖြစ်ပါ၍ ကျောက်မျက်ရတနာလုပ်ငန်းရှင်များ၊ ကုမ္ပဏီများအနေနှင့် အဆိုပါ ကျောက်မျက်ရတနာ ပြပွဲတွင် ပူးပေါင်းပါဝင်ခြင်း မပြုရန် တားမြစ်လိုက်သည်။

၅။ ပူးပေါင်းပါဝင် ရောင်းဝယ်ကြောင်း တွေ့ရှိပါက အမည်ပျက်စာရင်း (Black List) တွင် ထည့်သွင်းပြီး ပြည်သူ့ အစိုးရအနေဖြင့် မည်သည့်စီးပွားရေးလုပ်ငန်းမျှ လုပ်ဆောင်ခွင့်ပြုမည်မဟုတ်ကြောင်းနှင့် ဥပဒေနှင့်အညီ အရေးယူဆောင်ရွက်သွားမည် ဖြစ် ကြောင်း သတိပေးလိုက်သည်။

Committee Representing Pyidaungsu Hluttaw - CRPH

https://www.facebook.com/crph.official.mm/