ထိုင်းနိုင်ငံ UNHCR ရှေ့ မြန်မာတွေဆန္ဒပြ

ထိုင်းနိုင်ငံ၊ UNHCR ရုံးရှေ့မှာ ၆ ရက်မြောက်နေ့အဖြစ် စစ်အာဏာသိမ်းမှုကို ဆန့်ကျင်ကန့်ကွက်နေတဲ့မြန်မာရွှေ့ပြောင်းအလုပ်သမားနဲ့ ကျောင်းသားများ။

ထိုင်းနိုင်ငံ၊ ဘန်ကောက်မြို့ UNHCR - ကုလသမဂ္ဂမဟာမင်းကြီးရုံးရှေ့မှာ စစ်အာဏာသိမ်းတဲ့ ၆ ရက်မြောက်နေ့အဖြစ် မြန်မာကျောင်းသားတွေနဲ့ အလုပ်သမားတွေ ထပ်မံဆန္ဒပြ ကန့်ကွက်တဲ့သတင်းကို ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

ထိုင်းနိုင်ငံ၊ ဘန်ကောက်မြို့ကUNHCR - ကုလသမဂ္ဂမဟာမင်းကြီးရုံးရှေ့မှာ စနေနေ့ညက မြန်မာကျောင်းသားတွေနဲ့ မြန်မာအလုပ်သမားတွေ စုဝေးခဲ့ကြပြီး မြန်မာနိုင်ငံမှာ စစ်အာဏာသိမ်းတာ ၆ ရက်မြောက်နေ့အဖြစ် ဆက်ပြီး ကန့်ကွက်ခဲ့ကြတပါ။

ကြွေးကျော်သံများ.....

“ထိုင်းရောက် မြန်မာတွေအနေနဲ့ အာဏာရှင်စနစ်ကို ဆန့်ကျင်ကြောင်း ကျနော်တို့ လာရောက်ဆန္ဒပြရခြင်းဖြစ်ပါတယ်။.....ဒီနေ့မှာတော့ ထိုင်းနိုင်ငံက UN ရှေ့မှာ ကျနော်တို့ ထိုင်းရောက်မြန်မာတွေအနေနဲ့ငြိမ်းချမ်းစွာ ဆန္ဒဖော်ထုတ်နေခြင်းဖြစ်ပါတယ်။ ကိုယ့်ရဲ့စိတ်ဓာတ်နဲ့ကိုယ်လာတာပါ။ ဘယ်သူမှ စည်းရုံးခြင်းမရှိပါဘူး။ ဒါက ကိုယ့်အသိစိတ်နဲ့ကိုယ်လာကြတာ ဖြစ်ပါတယ်နော်။”

......

.......

လာရောက်ဆန္ဒပြသူ မြန်မာနိုင်ငံသားတဦး ပြောသွားခဲ့တာပါ။စနေနေ့ည ဆန္ဒပြပွဲမှာ ထိုင်းမှာရောက်နေကြတဲ့ မြန်မာကျောင်းသားတွေနဲ့ ထိုင်းနိုင်ငံမှာ အလုပ်လာလုပ်နေကြတဲ့ မြန်မာနိုင်ငံသား ရာဂဏန်းလောက် စုဝေးခဲ့ကြတာပါ။ မြန်မာပြည်မှာ စစ်အာဏာသိမ်းပြီး နိုင်ငံ့ထိပ်တန်းခေါင်းဆောင်တွေကို ဖမ်းဆီးထားတာကို ကန့်ကွက်ဆန္ဒပြခဲ့ကြတာဖြစ်ပါတယ်။ မြန်မာပြည်မှာစစ်အာဏာသိမ်းတဲ့နေ့ကစတင်ပြီးထိုင်းရောက်မြန်မာတွေဟာ မြန်မာသံရုံးရှေ့နဲ့ ကုလသမဂ္ဂရုံးရှေ့မှာ နေ့စဉ်ဆန္ဒပြနေကြတာဖြစ်ပါတယ်။

မအေးအေးမာ/ VOA Burmese

https://burmese.voanews.com/a/thai-myanmar-migrants-students-protests-military-coup-/5767978.html