ပြည်သူ ရွေးကောက် တင်မြှောက်ထားတဲ့ အစိုးရကို ဖျက်သိမ်းခဲ့တာကို ဆန့်ကျင်ကြောင်းနဲ့ ဦးဝင်းမြင့်ကိုသာ တရားဝင် နိုင်ငံတော်သမ္မတ အဖြစ် အခိုင်အမာ လက်ခံထားကြောင်း နေပြည်တော် စည်ပင်ဧည့်ရိပ်သာမှာ ရှိနေကြတဲ့ NLD အမျိုးသား ဒီမိုကရေစီ အဖွဲ့ချုပ် ပါတီရဲ့ ပြည်ထောင်စု လွှတ်တော် ကိုယ်စားလှယ်တွေက လက်မှတ်ရေးထိုး ကြေညာချက် ထုတ်ပြန်လိုက်ပါတယ်။
သူတို့ဟာ ရွေးကောက်ခံ လွှတ်တော် ကိုယ်စားလှယ်တွေ ဖြစ်ပြီး ပြည်သူ့လွှတ်တော်၊ အမျိုးသားလွှတ်တော် ဥပဒေ၊ နည်းဥပဒေပါ အချက်တွေနဲ့ ငြိစွန်းခြင်း မရှိတဲ့ အတွက် ပြည်ထောင်စု လွှတ်တော် ကိုယ်စားလှယ်တွေ အဖြစ် အခိုင်အမာ တည်ရှိနေဆဲ ဖြစ်တယ်လို့ ကြေညာချက်မှာ ဖော်ပြထားပါတယ်။
၂၀၀၈ ဖွဲ့စည်းပုံ အခြေခံဥပဒေ အာဏာတည်နေသရွေ့ ကာပတ်လုံး သူတို့ရဲ့ ရာထူးတာဝန်သက်တမ်းကို မည်သူကမျှ ငြင်းပယ် ရုပ်သိမ်းခွင့် မရှိဘူးလို့ NLD ပြည်ထောင်စု လွှတ်တော် ကိုယ်စားလှယ်တွေက ကြေညာချက်မှာ ဖော်ပြခဲ့ပါတယ်။ သူတို့ကို နေပြည်တော် စည်ပင်ရိပ်သာကနေ ၂၄ နာရီအတွင်း အပြီး ရွှေ့ပြောင်းခိုင်းထားတယ်လို့လည်း သိရပါတယ်။
BBC Burmese
Reviewed by THITHTOOLWIN
on
23:54
Rating:
No comments:
Post a Comment