အမျိုးသားဒီမိုကရေစီအဖွဲ့ချုပ် ပြောခွင့်ရ ဒေါက်တာမျိုးညွန့်ကို ဗွီအိုအေက တယ်လီဖုန်းနဲ့ ဆက်သွယ်မေးမြန်းချိန် တနင်္လာနေ့ နံနက် (၇)နာရီကျော်လောက်မှာ စစ်တပ် က သူ့အိမ်ကို လာရောက်ပြီး ဖမ်းဆီးခေါ်ဆောင်သွားပါတယ်။ နောက်ဆုံး ဗွီအိုအေကို ပြောနေတဲ့ အချိန်မှာ အိမ်ရှေ့ကို စစ်ကားရောက်လာပြီလို့ ဒေါက်တာမျိုးညွန့်က အခုလိုပြောပါတယ်။
” စစ်ကားရောက်လာပြီလို့ ပြောတယ်။ အဖွဲ့ချုပ်အနေနဲ့ ပြည်သူနဲ့ တသားတည်းနေကြပါလို့ ပြောချင်ပါတယ်။”
စစ်တပ်က သူ့ကိုလည်း လာပြီးဖမ်းမယ်ဆိုတာသိနေတဲ့အတွက် စောင့်နေတယ်လို့လည်း ဒေါက်တာမျိုးညွန့်က ဆိုပါတယ်။ အခုလို စစ်တပ်က အာဏာသိမ်းတာဟာ အာဏာလိုချင်လို့ပဲဖြစ်တယ်လို့လည်း သူကပြောပါတယ်။ NLD အနေနဲ့ ပြည်သူလူထုရဲ့ ဆန္ဒကို မျက်ကွယ်ပြုတဲ့ လိုက်လျောမှုမျိုးကို လုပ်မှာမဟုတ်ကြောင်းလည်း ဒေါက်တာမျိုးညွန့်က အလေးအနက်ပြောကြားခဲ့ပါတယ်။ ညှိုနှိုင်းလို့ ရတဲ့အနေအထားဆိုရင်တော့ ဆောင်ရွက်ဖို့ အဆင်သင့်ရှိတယ်လို့ ဆိုပါတယ်။ အမျိုးသားပြန်လည်ရင်ကြားစေ့ရေးကို ခိုင်ခိုင်မာမာကျင့်သုံးဆောင်ရွက်မှာဖြစ်တယ်လို့လည်း ဒေါက်တာမျိုးညွန့်က ပြောပါတယ်။
ပြည်သူတွေအနေနဲ့ အခြေအနေတွေကို ထိမ်းထိမ်းသိမ်းသိမ်း တုန့်ပြန်ကြဖို့လည်း သူ့ကို စစ်တပ်က ဖမ်းဆီးချိန်မတိုင်ခင် မိနစ်ပိုင်းအတွင်း ဗွီအိုအေကို ဒေါက်တာမျိုးညွန့်က ပြောကြားခဲ့ပါတယ်။
ဗွီအိုအေ (မြန်မာဌာန)
https://burmese.voanews.com/a/myanmar-army-arrested-nld-dr-myo-nyunt/5759263.html
Reviewed by THITHTOOLWIN
on
08:42
Rating:
No comments:
Post a Comment