မြန်မာဆန္ဒပြသူတွေကို အကြမ်းမဖက်ဖို့ G7 နိုင်ငံခြားရေးဝန်ကြီးများ သတိပေး

ရန်ကုန်မြို့ အင်ဒိုနီးရှားသံရုံးရှေ့ စစ်အာဏာသိမ်းဆန့်ကျင် ဆန္ဒပြမြင်ကွင်း။ (ဖေဖော်ဝါရီ ၂၃၊ ၂၀၂၁)

မြန်မာနိုင်ငံမှာ စစ်အာဏာသိမ်းမှုကို ဆန့်ကျင်ကန့်ကွက်တဲ့ ဆန္ဒပြသူတွေအပေါ် အင်အားသုံး အကြမ်းဖက် နှိမ်နင်းတာကို လက်မခံနိုင်ဘူးလို့ ကမ္ဘာ့ စက်မှုထိပ်သီး ၇ နိုင်ငံ G7 အဖွဲ့ဝင်နိုင်ငံတွေရဲ့ နိုင်ငံခြားရေးဝန်ကြီးတွေက ဒီကနေ့ပြောပါတယ်။

အင်အားသုံး အကြမ်းဖက် နှိမ်နင်းမှုအတွက် တာဝန်ရှိသူတွေ ကိုယ့်လုပ်ရပ်အတွက် ကိုယ်တာဝန်ခံမှုရှိအောင် လုပ်ရမယ်လို့လည်း သတိပေးလိုက်ပါတယ်။

"လက်နက်မဲ့လူထုကို ကျည်အစစ်သုံးပြီး နှိမ်နင်းတာကို လက်မခံနိုင်ပါဘူး။ ငြိမ်းချမ်းတဲ့ဆန္ဒပြပွဲတွေကို အကြမ်းဖက်နှိမ်နင်းတဲ့ ဘယ်သူမဆို ကိုယ့်လုပ်ရပ်အတွက် တာဝန်ခံမှုရှိစေရမယ်။" လို့ G7 နိုင်ငံခြားရေးဝန်ကြီးတွေရဲ့ ဒီကနေ့ ပူးတွဲထုတ်ပြန်ချက်ထဲမှာ ဖော်ပြထားပါတယ်။

"အာဏာသိမ်းမှုအပေါ် ဆန့်ကျင်သူတွေကို ခြိမ်းခြောက် ဖိနှိပ်တာ မိမိတို့ ပြစ်တင်ရှုတ်ချပါတယ်။ မြန်မာနိုင်ငံမှာ စစ်အာဏာသိမ်းမှုအပေါ် ပြစ်တင်ရှုတ်ချတာမှာ မိမိတို့ တညီတညွတ်ထဲ ဆက်ရှိနေပါတယ်။ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ သမ္မတဦးဝင်းမြင့်အပါအဝင် အကြောင်းမဲ့ ဖမ်းဆီးထားသူတွေကို ချက်ခြင်းနဲ့ ခြွင်းချက်မရှိ ပြန်လွှတ်ပေးဖို့ မိမိတို့ ထပ်ပြီး တောင်းဆိုပါတယ်။" လို့လည်း G7 နိုင်ငံခြားရေးဝန်ကြီးတွေရဲ့ ပူးတွဲထုတ်ပြန်ချက်မှာ ဖော်ပြထားပါတယ်။

Chinese foreign ministry spokesman, Wang Wenbin, speaks during a routine press conference where he congratulated U.S. president-elect Joe Biden at the foreign ministry in Beijing on Friday, Nov. 13, 2020. China on Friday became one of the last major…

ငြိမ်းချမ်းစွာ ဆန္ဒပြသူတွေကို အင်အားသုံး ပစ်ခတ် နှိမ်နင်းတဲ့အပေါ် နိုင်ငံတကာက အပြင်းအထန် ပြစ်တင်ရှုတ်ချနေချိန်မှာပဲ G7 နိုင်ငံခြားရေးဝန်ကြီးတွေကလည်း အခုလို တောင်းဆိုလိုက်တာပါ။

G7 အဖွဲ့မှာ ကနေဒါ၊ ပြင်သစ်၊ ဂျာမနီ၊ အီတလီ၊ ဂျပန်၊ ဗြိတိန်၊ အမေရိကန်နဲ့ ဥရောပသမဂ္ဂ EU ရဲ့ အဆင့်မြင့်ကိုယ်စားလှယ်တို့ ပါဝင်ပါတယ်။

ဆန္ဒပြသူတွေ၊ ဆရာဝန်တွေ၊ အရပ်ဘက်လူမှုအဖွဲ့အစည်းတွေ၊ သတင်းထောက်တွေအပေါ် အသေအချာ ဦးတည်ချက်ထား နှိမ်နင်းနေတာကို အဆုံးသတ်ဖို့နဲ့ နိုင်ငံတော် အရေးပေါ်အခြေအနေ ကြေညာထားတာကို ရုပ်သိမ်းဖို့လည်း G7 အဖွဲ့က တောင်းဆိုထားပါတယ်။

ဒါ့အပြင် အကူအညီ အလိုအပ်ဆုံးသူတွေကို ကူညီထောက်ပံ့နိုင်ရေး လူသားစာနာမှုဆိုင်ရာလုပ်ငန်းတွေ အပြည့်အဝ ပြန်ပြီးခွင့်ပြုဖို့လည်း အာဏာသိမ်းစစ်ကောင်စီကို G7 အဖွဲ့က တိုက်တွန်းထားပါတယ်။

ဗွီအိုအေ (မြန်မာပိုင်း)

https://burmese.voanews.com/a/g7-foreign-ministers-conemn-violence-against-myanmar-protesters/5789228.html