 |
| လူ့အခွင့်အရေးကောင်စီ |
မြန်မာနိုင်ငံမှာ စစ်တပ်အာဏာသိမ်းမှုကို ပြင်းပြင်းထန်ထန် ရှုတ်ချကြောင်းနဲ့ ဒေါ်အောင်ဆန်းစုကြည်ကို အမြန်ပြန်လွှတ်ပေးပြီး အရပ်သား အစိုးရအုပ်ချုပ်မှု ပြန်ပေးရေး အာဏာသိမ်း စစ်ခေါင်းဆောင်တွေကို တောင်းဆိုဖို့ ကုလသမဂ္ဂ လူ့အခွင့်ရေးကောင်စီ ကို အီးယူ ဥရောပသမဂ္ဂက ကြာသပတေးနေ့မှာ အဆိုပြု မူကြမ်းတရပ်ကို တင်သွင်းလိုက်ပါတယ်။
ဒီအဆိုပြု ချက်မူကြမ်းကို သောကြာနေ့မှာ ကုလသမဂ္ဂလူ့အခွင့်ရေးကောင်စီ အထူးအစည်းဝေးမှာ အခြေအတင် ပြောကြားကြမှာ ဖြစ်ပါတယ်။
နိုင်ငံတော် အတိုင်ပင်ခံ ဒေါ်အောင်ဆန်းစုကြည်နဲ့ သမ္မတဦးဝင်းမြင့်တို့ကို ဖမ်းဆီးထားတာ အတွက် ရှုတ်ချလိုက်သလို မြန်မာနိုင်ငံမှာ ငြိမ်းချမ်းစွာ ဆန္ဒပြမှုတွေ အတွင်း အဖမ်းဆီး ခံနေရသူတွေ အားလုံးကို ပြန်လွှတ်ပေးဖို့လည်း အဆိုပြုချက် မူကြမ်းမှာ တောင်းဆိုထားပါတယ်။
မြန်မာနိုင်ငံက အခြေနေတွေကို ဆွေးနွေးဖို့ အထူးအစည်းဝေး တရပ်ခေါ်ယူဖို့ ဗြိတိန်နဲ့ အီးယူက တနင်္လာနေ့မှာ တရားဝင်ပန်ကြားခဲ့တာ ဖြစ်ပြီး ကောင်စီဝင် ၄၇ နိုင်ငံထဲက နိုင်ငံ ၂၀ ကျော်က ထောက်ခံခဲ့တာကြောင့် လိုအပ်တဲ့ ထောက်ခံမှု သုံးပုံ တပုံ ကို ရခဲ့တာ ဖြစ်ပါတယ်။
ဗွီအိုအေ (မြန်မာပိုင်း)
https://burmese.voanews.com/a/un-ohchr-eu-on-myanmar-/5775477.html
Reviewed by THITHTOOLWIN
on
07:54
Rating:
No comments:
Post a Comment