 |
| မုံရွာမြို့ ဖေဖော်ဝါရီ ၈ ရက်ဆန္ဒပြပွဲ |
စစ်ကိုင်းတိုင်း အစိုးရရုံးစိုက်ရာ မုံရွာမြို့မှာ အရပ်သား အာဏာဖီဆန်မှု (Civil Disobedience Movement ) လှုပ်ရှားမှုတွေ အရှိန်မြှင့်လာကြပြီး ဖေဖော်ဝါရီလ ၈ ရက်နေ့မှာတော့ မုံရွာမြို့ပေါ်က ဘဏ်တွေနဲ့ ရုံးအများစု ပိတ်ထားလိုက်ကြောင်း မုံရွာမြို့ခံတစ်ဦးက ဘီဘီစီကို ပြောပါတယ်။
ဒီနေ့စတင်တဲ့ CDM လှုပ်ရှားမှုမှာ အထွေထွေအုပ်ချုပ်ရေးဦးစီးဌာနက ဝန်ထမ်း ၂၀ ကျော်နဲ့ အတူ ဘဏ်ဝန်ထမ်းတွေလည်း ပါဝင်လာတယ်လို့ သူကပြောပါတယ်။
ပြီးခဲ့တဲ့ရက်ပိုင်းက CDM လှုပ်ရှားမှု စတင်ခဲ့တဲ့ မုံရွာတစ်ဖက်ကမ်း လက်ပံတောင်းတောင် ကြေးနီစီမံကိန်းက လုပ်သားတွေလည်း ဒီကနေ့မှာ ဆက်လက် ဆန္ဒပြခဲ့ကြပြီး ကြေးနီစီမံကိန်း လုပ်သားအားလုံးက ဒေါ်အောင်ဆန်းစုကြည် မလွတ်မချင်း အလုပ်မဆင်းဘဲ ဆန္ဒပြဖို့ စီစဉ်ထားကြတဲ့အတွက် ကြေးနီစီမံကိန်းလည်း ရပ်ထားရတယ်လို့ သိရပါတယ်။
ဒီကနေ့မနက် ဖေဖော်ဝါရီလ ၈ ရက်နေ့ မုံရွာမြို့ ဆန္ဒပြပွဲမှာ ဆရာ ဆရာမတွေ၊ ဆရာဝန်တွေ၊ ရှေ့နေတွေ လည်း ပါဝင် ဆန္ဒပြကြတယ်လို့ မုံရွာဒေသခံတွေက ပြောပါတယ်။
 |
| မုံရွာမှာ CDM |
BBC Burmese
Reviewed by THITHTOOLWIN
on
18:44
Rating:
No comments:
Post a Comment