ရန်ကုန်မှာ ဒီနေ့ မနက်ပိုင်းက ရာနဲ့ချီတဲ့ လူတွေဟာ ဒီမိုကရေစီရရှိရေး၊ စစ်အာဏာရှင်စနစ်ကျဆုံးရေး၊ အမေစုကျန်းမာပါစေ စတဲ့ ကြွေးကြော်သံတွေနဲ့အတူ စစ်အာဏာသိမ်းမှုကို ဆန့်ကျင်ဆန္ဒပြနေကြပါတယ်။ ဆန္ဒပြကြွေးကြော်ချီတက်လမ်းလျှောက်နေတာနဲ့အတူ အာဏာရှင်စနစ်ကို ဆန့်ကျင်တဲ့ လက်သုံးချောင်ထောင်လှုပ်ရှားမှုတွေကိုလည်း တစ်ပါတည်းပြုလုပ်ခဲ့ကြတာပါ။ အခုလိုချီတက်လမ်းလျှောက်ဆန္ဒဖော်ထုတ်တာကို ဘေးပတ်ဝန်းကျင်က ကြည့်ရှုနေကြသူတွေကလည်း လက်သုံးချောင်းထောင်ပြီး ထောက်ခံကြောင်း ပြသခဲ့ကြပါတယ်။ ဒါ့အပြင် လူငယ်နိုင်ငံရေးသမားတက်ကြွလှုပ်ရှားသူ ၊ ၂၀၂၀ ရွေးကောက်ပွဲမှာ လူ့ဘောင်သစ်ဒီမိုကရက်တစ်ပါတီကနေ ပြည်သူ့လွှတ်တော်ကိုယ်စားလှယ်လောင်းအဖြစ် ဝင်ရောက်ယှဉ်ပြိုင်ခဲ့တဲ့ မအိသဉ္ဇာမောင်တို့နဲ့အတူ လူငယ်တက်ကြွလှုပ်ရှားသူတွေကလည်း ရန်ကုန်မြို့မှာ အာဏာရှင်စနစ်ကျဆုံးပါစေ ဆိုတဲ့ လက်သုံးချောင်းထောင်လှုပ်ရှားမှုကို လမ်းပေါ်ထွက် ပြုလုပ်နေကြပါတယ်။ လတ်တလောမှာ ဆက်သွယ်ရေးအော်ပတာတချို့ အင်တာနက်သုံးစွဲမှု ပြတ်တောက်နေပြီး Internet Provider တချို့ကနေ Wi Fi က တစ်ဆင့် အင်တာနက် သုံးစွဲရအဆင်မပြေတာ၊ အင်တာနက်လှိုင်းတွေ နှေးတာတွေ ကြုံနေရပါတယ်။
BBC Burmese
Reviewed by THITHTOOLWIN
on
12:40
Rating:
No comments:
Post a Comment