ဟိမဝန္တာ ရေခဲစိုင်ပြိုလို့ အိန္ဒိယ ရေကာတာကျိုးပေါက်မှု လူပေါင်း ၁၅၀ ခန့် ပျောက်ဆုံး

ဟိမဝန္တာဒေသ

အိန္ဒိယနိုင်ငံမြောက်ပိုင်း Uttarakhand ဒေသမှာ တနင်္ဂနွေနေ့က ဟိမဝန္တာရေခဲပြင်က ကြီးမားတဲ့ရေခဲစိုင်ပြိုကျတဲ့အတွက် ရေကာတာ ကျိုးပေါက်ပြီး အင်္ဂါမြစ်မကြီးထဲ စီးဝင်တဲ့ Dhauli Ganga မြစ်ရေကြီးမှုကနေ လူပေါင်း ၁၄၀ ကျော် ပျောက်ဆုံးနေတယ်လို့ ဒေသအာဏာပိုင်တွေက ပြောပါတယ်။

ရေကာတာအောက်ပိုင်း မြစ်ကြောင်းတလေ ျှာက်က ကျေးရွာနေ ရွာသားတွေကို ဘေးလွတ်ရာ ပြောင်းရွှေ့ခိုင်းခဲ့ရပါတယ်။ အခုအချိန်အထိတော့ အလောင်း ၉ လောင်း ပြန်တွေ့ရပြီ လို့ပြောပါတယ်။

အိန္ဒိယဝန်ကြီးချုပ် Narendra Modi ကတော့ Uttarakhand ဒေသခံတွေနဲ့ အတူ အိန္ဒိယတနိုင်ငံလုံးက ရပ်တည်ကြမှာ ဖြစ်ကြောင်းနဲ့ ဒေသခံအားလုံး ဘေးကင်းဖို့ တနိုင်ငံလုံးက ဆုတောင်းနေကြောင်း တွစ်တာမှာ ရေးပါတယ်။

ပျောက်ဆုံးနေသူ အများစုဟာ အဲဒီရေကာတာမှာ တည်ဆောက်နေဆဲ ရေအားလ ျှပ်စစ်ဓါတ်အားပေးစက်ရုံ က အလုပ်သမားတွေ ဖြစ်ပြီး အဲဒီက လှိုဏ်ခေါင်းထဲ ပိတ်မိနေသူတွေကို ကယ်ထုတ်ဖို့ ကူညီကယ်ဆယ်ရေးတွေကို စေလွှတ်ပေးနေပြီ ဖြစ်ပါတယ်။

ဖြစ်စဉ်ဟာ သိပ်ကို မြန်ဆန်တဲ့ အတွက် သတိပေးချိန်တောင် မရလိုက်ဘူးလို့ ဒေသခံ တဦးက ရိုက်တာ သတင်းဌာနကို ပြောပါတယ်။

သဘာဝဘေးအန္တရာယ် တုန့်ပြန်ရေးအဖွဲ့တွေကို လေကြောင်းနဲ့ အဲဒီ Chamoli ဒေသကို စေလွှတ်နေပြီလို့လည်း အစိုးရ တာဝန်ရှိသူတွေက ပြောပါတယ်။

VOA (မြန်မာပိုင်း)

https://burmese.voanews.com/a/india-himalaya-glacier-burst/5768894.html