 |
| စစ်ကောင်စီ ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင် |
နိုင်ငံပိုင် မြန်မာရုပ်မြင်သံကြားက ဒီနေ့ ဖေဖော်ဝါရီလ ၂၂ ရက်နေ့ ည၈ နာရီမှာ သတင်းမီဒီယာတွေမှာ အာဏာသိမ်းစစ်အစိုးရလို့ သုံးနှုန်းမှုတွေကို သတိပေးထားပြီး ဆက်လက်ရေးသားမယ်ဆိုရင် ထုတ်ဝေခွင့် ပိတ်သိမ်းတဲ့ အထိ အရေးယူ သွားမယ်လို့ စစ်ကောင်စီ ဥက္ကဋ္ဌ ဖေဖော်ဝါရီလ ၂၂ ရက်နေ့ က ပြောကြားခဲ့တယ်လို့ ထုတ်ပြန်ခဲ့ပါတယ်။
နေပြည်တော် စစ်ကောင်စီ အဖွဲ့ဝင်တွေရဲ့ ညှိနိုင်းအစည်းဝေးမှာသူ က ပြောကြားခဲ့တာဖြစ်ပါတယ်။
ဘယ်လိုသုံးနှူန်းပါလို့ မပြောဆိုသွားပေမဲ့ ဒီအသုံးနှုန်းကို သတင်းမီဒီယာကောင်စီက နေတစ်ဆင့် အသိပေးခဲ့ပြီး ဖြစ်တယ်လို့လည်း စစ်ကောင်စီ ဥက္ကဋ္ဌ ကပြောကြားခဲ့ပါတယ်။
အာဏာသိမ်းစစ်ကောင်စီဟာ ပြီးခဲ့တဲ့ ဖေဖော်ဝါရီလ ၁၁ ရက်နေ့စွဲနဲ့ မြန်မာနိုင်ငံ စာနယ်ဇင်းကောင်စီမှ တစ်ဆင့် ပြည်တွင်းထုတ် သတင်းစာတွေကို အာဏာသိမ်းစစ်အစိုးရ မသုံးရေး အသိပေးအကြောင်းကြားစာများပေးခဲ့ပြီး တစ်ပတ်ကျော် အကြာမှာ အခုလို ထုတ်ပြန်ခဲ့တာဖြစ်ပါတယ်။
BBC Burmese
Reviewed by THITHTOOLWIN
on
23:44
Rating:
No comments:
Post a Comment