ရန်ကုန်မြို့မှာရှိတဲ့ မြန်မာ့အသံနဲ့ ရုပ်မြင်သံကြား အသံလွှင့်ဌာနကို တပ်မတော်က လာရောက် ဝိုင်းထားကြောင်း MRTV တာဝန်ရှိသူတွေက လူမှုကွန်ရက်မှာရေးသားကြပါတယ်။
စစ်ကားတွေနဲ့ လာရောက်ဝိုင်းရံထားတာဖြစ်ပြီး ဘယ်တပ်ဖွဲ့ကလည်း ဆိုတာကိုတော့ မသိရသေးဘူး လို့ ဖော်ပြပါတယ်။
MRTV ဝန်ထမ်း တစ်ဦးက လူမှုကွန်ရက်မှာ ရေးသားထားရာမှာတော့ စစ်ကားအများအပြားနဲ့ လာရောက်တာလို့ ဆိုပါတယ်။ ဒီသတင်းကို အတည်ပြုနိုင်ဖို့ ဘီဘီစီက ဆက်လက်ကြိုးပမ်းနေပါတယ်။
---------------------------------------------------------------------
ဆက်သွယ်ရေး ပြတ်တောက်မှုတွေရှိနေ
နေပြည်တော်မှာ ဆက်သွယ်ရေး ပြတ်တောက်နေပြီး ရန်ကုန်မြို့နဲ့ အခြားမြို့ကြီးတွေမှာတော့ ဆက်သွယ်ခေါ်ယူရ ခက်ခဲမှုတွေရှိနေပါတယ်။
ဒါဟာ ဆက်သွယ်ရေး ကွန်ရက်တွေကို ဖြတ်တောက်ထားမှု ဖြစ်နိုင်တယ် ဆိုတဲ့ သုံးသပ်မှုတွေ ရှိပေမယ့် ဘီဘီစီအနေနဲ့ သီးခြား အတည်ပြုထားနိုင်ခြင်းတော့ မရှိပါဘူး။
ပြည်တွင်းနေသူများ က Facebook လူမှုကွန်ရက်မှာ သတင်းအချက်အလက်တွေ ရေးသား ပြောဆို နေကြပေမယ့် သူတို့ကို ဆက်သွယ်ခေါ်ယူလို့ မရနိုင်တဲ့ အခြေအနေနဲ့ ကြုံတွေ့နေရပါတယ်။
BBC Burmese
Reviewed by THITHTOOLWIN
on
06:54
Rating:
No comments:
Post a Comment