အင်တာနက်တွေကို အခုလို ထပ်ပြီး ပိတ်ပစ်နေတာ၊ လူတွေ နေထိုင်ရာ အရပ်တွေမှာ စစ်ယာဥ်တန်းတွေ ၀င်ရောက်နေတာတွေဟာ စစ်ဗိုလ်ချုပ်တွေ ဘယ်လောက် အသည်းအသန်ဖြစ် ဗျာများနေရသလဲ ဆိုတာ ပြနေတာပဲလို့ မြန်မာနိုင်ငံရဲ့ လူ့အခွင့်အရေး ဆိုင်ရာ ကုလသမဂ္ဂ အထူး ကိုယ်စားလှယ် တွမ်အင်ဒရူးစ်က ပြောဆိုလိုက်ပါတယ်။
မြန်မာစစ်တပ်ရဲ့ သံချပ်ကာကားတွေ အပါအ၀င် စစ်အင်အား နေရာချတာတွေ၊ လှည့်လည်တာတွေ ရန်ကုန် အပါအ၀င် မြို့ကြီးတချို့မှာ လုပ်လာခဲ့တဲ့ အပေါ်မြန်မာနိုင်ငံရဲ့ လူ့အခွင့်အရေး ဆိုင်ရာ ကုလသမဂ္ဂရဲ့ အထူး ကိုယ်စားလှယ် တွမ်အင်ဒရူးစ်က ၀ေဖန်တာ ဖြစ်ပါတယ်။
“စစ်ဗိုလ်ချုပ်တွေဟာ မြန်မာပြည်သူတွေကို စစ်ကြေညာလိုက်သလိုပဲ” ဆိုပြီး မစ္စတာအင်ဒရူးစ်က တွစ်တာပေါ် ရေးပါတယ်။
သန်းခေါင်းယံ စီးနင်းမှုတွေ၊ လူဖမ်းပွဲတွေ အပြင် လူတွေရဲ့ အခွင့်အရေးတွေကို ပိုပိုပြီး ဖယ်ရှားပစ်နေတယ်လို့ သူက ဆိုပါတယ်။
“သတိထားဗိုလ်ချုပ်တွေရေ၊ လုပ်သမျှတွေ အတွက် အကုန်ပြန်တာ၀န်ယူရမယ်” လို့လည်း ကုလ အထူးကိုယ်စားလှယ်က မြန်မာ အာဏာသိမ်း စစ်ခေါင်းဆောင်တွေကို သတိပေးပါတယ်။
BBC Burmese
Reviewed by THITHTOOLWIN
on
09:12
Rating:
No comments:
Post a Comment