တပ်မတော် အာဏာသိမ်းမှု မန္တလေး အရိုးအထူးကုဆေးရုံက ဆေးဝန်ထမ်းတွေ ဆန့်ကျင် တပ်မတော် အာဏာသိမ်းယူတာကို မန္တလေးမြို့ အရိုးအထူးကုဆေးရုံက ဆေးဝန်ထမ်းတွေ ၂၀၂၁ ဖေဖော်ဝါရီ ၃ ရက်နေ့က ဆန့်ကျင်ကန့်ကွက်စဉ် / Photo: RFA
တပ်မတော်က ပြည်သူ့အစိုးရထံမှ အဓမ္မအာဏာသိမ်းယူခြင်းကို ဆန့်ကျင်ကန့်ကွက်ပါတယ် ဆိုတဲ့ လှုပ်ရှားမှု ကို မန္တလေးမြို့ ၆၂ လမ်းက အရိုးအထူးကုဆေးရုံက ဆေးဝန်ထမ်းတွေစုပေါင်းပြီး ဒီကနေ့မနက်ကပြုလုပ်ခဲ့ ပါတယ်။
ဆရာဝန်တွေအပါအ၀င် ဆေးဝန်ထမ်း ၁၀၀ လောက်ဟာ ဖဲကြိုးနီဝတ်ဆင်ပြီး ငြိမ်းချမ်းစွာ ဆန္ဒပြခဲ့ကြတာပါ။
လတ်တလောမှာတော့ ဆေးရုံယန္တရားရပ်ဆိုင်းထားပြီး အရေးပေါ်လုပ်ငန်းတွေကိုသာလုပ်ဆောင်နေတယ်။ တောင်းဆိုတာတွေကို ငြိမ်းချမ်းစွာလုပ်ဆောင်နေတာဖြစ်ပြီး တောင်းဆိုတာတွေမရရင်တော့ အလုပ်ထွက်တဲ့ အထိ တောင်းဆိုသွားမယ်လို့ ဆန္ဒဖော်ထုတ်ရာမှာပါဝင်တဲ့ ဆရာဝန်တစ်ယောက်ကပြောပါတယ်။
ဒီလှုပ်ရှားမှုကို ဒီကနေ့ကစတင် လှုပ်ရှားသွားမယ်ဆိုပြီး တခြားဆေးရုံက ဆေးဝန်ထမ်းတွေကလည်း ကြေညာချက်တွေ ထုတ်ပြန်ထားကြပါတယ်။
RFA Burmese
Reviewed by THITHTOOLWIN
on
22:38
Rating:
No comments:
Post a Comment