ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့် ပြန်လည်ထိန်းသိမ်းခံရ

ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့်။ (ဓာတ်ပုံ - Daw Nan Khin Htwe Myint's Facebook)

မြန်မာနိုင်ငံမှာ စစ်တပ်က အာဏာသိမ်းလိုက်ပြီးနောက် ဒုတိယအကြိမ်အဖြစ် ကရင်ပြည်နယ် ဝန်ကြီးချုပ် ဒေါ်နန်းခင်ထွေးမြင့်ကို အာဏာပိုင်တွေက ထိန်းသိမ်းလိုက်ပါတယ်။

ဒေါ်နန်းခင်ထွေးမြင့်ကို လုံခြုံရေးတပ်ဖွဲ့တွေက ဒီကနေ့ မွန်းလွဲပိုင်းမှာပဲ အကျယ်ချုပ်ချခံထားရတဲ့ အိမ်ကနေ လာခေါ်သွားတယ်လို့ ကရင် ဗမာတိုင်းရင်းသားရေးရာ ဝန်ကြီးဟောင်း ဦးတေဇာထွဋ်လှိုင်ထွေးက ဗွီအိုအေကို အတည်ပြုပါတယ်။ စစ်အာဏာသိမ်းတာကို ဆန့်ကျင်ဆန္ဒပြသူတွေကို အားပေးစကားပြောခဲ့ပြီးနောက် ဖမ်းဆီးခံခဲ့ရတာလို့လည်း ပြောပါတယ်။

“ဟုတ်တယ် နေ့လယ် ၂ နာရီလောက်က အရင်လိုပဲ စစ်တပ်နဲ့ ရဲနဲ့ပြန်ခေါ်သွားတယ်။ ပြီးခဲ့တဲ့ တခေါက်က ခေါ်တဲ့ ဘားအံတောင်ကလေးက ၂၀၂ တပ်ရင်းကိုခေါ်သွားမယ်ထင်တယ်။ ကျနော်တို့ ဒီနေ့စီတန်းလှည့်လည်ချိန်မှာ ဝန်ကြီးချုပ်က စည်းကမ်းရှိရှိနဲ့ဆန္ဒပြဖို့ ဝန်ကြီးချုပ်ကိုယ်တိုင်လဲ Live လွှင့်တယ်။ ပြည်သူတွေ ငြိမ်းငြိမ်းချမ်းချမ်းဆန္ဒပြဖို့၊ အကြမ်းမဖက်ဖို့၊ အကြမ်းဖက်တွေ ပါလာနိုင်တယ်။ ဒါတွေကိုလည်း သေချာကိုယ့်လူတွေ ထိန်းကြဖို့ ဘာလုပ်ဖို့ ဆိုတာညွှန်ကြားတယ်။”

ဖမ်းဆီးတဲ့ အကြောင်းရင်းနဲ့ ပတ်သက်လို့တော့ ရှင်းရှင်းလင်းလင်း မသိရသေးပါဘူး။ ဒီသတင်းနဲ့ပတ်သက်ပြီး ထပ်မံစုံစမ်းသိရှိရတာတွေကို ဆက်လက်ဖော်ပြသွားမှာ ဖြစ်ပါတယ်။ 

ဗွီအိုအေ (မြန်မာပိုင်း)

https://burmese.voanews.com/a/dawnankhin-htwemyint-karen-pm/5769451.html