စစ်အာဏာသိမ်း ခြောက်ရက်မြောက်နေ့ ဒီကနေ့ ရန်ကုန်မြို့မှာ လမ်းမပေါ်ထွက် စတင်ဆန္ဒပြကြတဲ့ မြင်ကွင်းတွေဖြစ်ပါတယ်။
လက်ရှိ တစ်နိုင်ငံလုံး အနှံက မြို့ကြီးတော်တော်များများမှာ ဆန္ဒပြနေကြပါတယ်။
RFA က နောက်ဆုံးရရှိတဲ့ သတင်းတွေအရ မန္တလေးမြို့ လမ်း (၈၀) မှာ လူတစ်သောင်းနီးပါး ဆန္ဒပြနေကြပါတယ်။
ရန်ကုန်မြို့ ဆူးလေဘုရားတဝိုက်မှာလည်း လူအင်အားတထောင်ကျော်လောက် ဆန္ဒပြဖို့ စုဝေးနေပြီးတော့ ရဲလုံခြုံတွေလည်း တင်းတင်းကြပ်ကြပ်တွေ့ရပါတယ်။
လှည်းတန်း၊ စံရိပ်ငြိမ် ၂ လမ်းမှာ လူ ၂၀၀ ကျော်ဆန္ဒပြနေပြီး လုံထိန်းရဲတွေနဲ့ ထိပ်တိုက်ရင်ဆိုင်တွေ့နေပါတယ်။
နေပြည်တော် ပျဉ်းမနားမှာ လူအင်အား ၅၀၀ လောက်ဆန္ဒပြနေပါတယ်။
လက်ရှိ အင်တာနက်၊ ဖုန်းလိုင်းတွေ အားလုံးကို စစ်အစိုးရကပိတ်ထားတဲ့အတွက် ဆက်သွယ်ရေး ပြတ်တောက်နေပြီး အတည်မပြုနိုင်သေးတဲ့ သတင်းတွေအရ စစ်အစိုးရ အာဏာပိုင်တွေက နှစ်ရက်ကြာ ပိတ်ပင်ထားမယ်လို့ သတင်းတွေ ထွက်ပေါ်နေပါတယ်။
RFA Burmese
Reviewed by THITHTOOLWIN
on
20:46
Rating:
No comments:
Post a Comment