စစ်အာဏာသိမ်းလို့ နေရပ်ပြန်ရေးကြန့်ကြာသူ မြန်မာ ၁၃ဝ မလေးရှားကနေပြန်ခွင့်ရ

မြန်မာနိုင်ငံမှာ စစ်တပ်က အာဏာသိမ်းလိုက်တာကြောင့် မလေးရှားနိုင်ငံကနေ ကယ်ဆယ်ရေးလေယာဉ်နဲ့ နေရပ်ပြန်ဖို့ ကြန့်ကြာမှုတွေ ကြုံခဲ့ရတဲ့ မြန်မာနိုင်ငံသား ၁၀၀ ကျော် ဒီနေ့ပဲ နေရပ်ပြန်ခွင့်ရခဲ့တဲ့အကြောင်း ပြောပြပါမယ်။ ကျမ မအေးအေးမာပါ။

မလေးရှားနိုင်ငံ ထိမ်းသိမ်းရေးစခန်းက အကျဉ်းသား ၆၀ကျော်လောက် အပါအဝင် ကပ်ရောဂါကာလ ပိတ်မိနေတဲ့မြန်မာနိုင်ငံသား ၁၀၀ ကျော်ဟာ ဒီနေ့ပဲ ပြန်ခွင့်ရပါတယ် ။ ကိုဗစ်ကပ်ရောဂါကာလ ပိတ်မိနေတဲ့ မလေးရှားထိမ်းသိမ်းရေးစခန်းက အကျဉ်းသားတွေနဲ့ တရားမဝင်နေထိုင်သူတွေကို တပတ် ၃ကြိမ် ကယ်ဆယ်ရေး လေယာဉ်နဲ့ နေရပ်ပြန်ဖို့စီစဉ်ရာမှာ ဒီကနေ့နဲ့မနေ့က တော့ ထိမ်းသိမ်းရေးစခန်းကလူတွေအပါအဝင် လူပေါင်း ၃၀၀ကျော် ပြန်ခွင့်ရခဲ့တာလို့လည်း မလေးရှားနိုင်ငံအခြေစိုက် မြန်မာလူမူကူညီရေးအသင်းဥက္ကဌဦးစန်းဝင်းက ပြောပါတယ်။

"ဒီနေ့ပြန်သွားတဲ့အကြိမ် ၅၀မြောက် ကယ်ဆယ်ရေးလေယာဉ်မှာ အကြောင်းအမျိုးမျိုးကြောင့် မလေးရှားထိမ်းသိမ်းရေးစခန်းတွေမှာ ဖမ်းဆီးခံထားတဲ့ရတဲ့လသားကလေး၂ဦးအပါအဝင်၆၂ဦး လည်းပါတယ် မနေ့ကပြန်သွားတာ ၄၀ လောက်ကလည်းအကျဉ်းသားတွေပဲ ထိမ်းသိမ်းရေးစခန်းတွေကလူတွေပါ ၂ရက်အတွင်းဆို လူ ၁၀၀ကျော်ပြန်သွားပါတယ် ဒီလထဲမှာ ၅ကြိမ်ရှိသွားပြီ ၆ ကြိမ်ပို့ရမှာ ဒီလ ၁ရက်နေ့ကပျက်သွားတယ် အခု ၅ကြိမ်ပဲဖြစ်သွားတယ်

နေရပ်ပြန်မြန်မာတွေကိုတော့ မလေးရှားအခြေစိုက်မြန်မာလူမူ့ကူညီရေးအသင်း နဲ့ပရဟိတအဖွဲ့ တွေက အစားအသောက်နဲ့အဝတ်အထည်တွေ ကူညီပေးခဲ့ကြပါတယ် ။ တရားဝင်ရောတရားမဝင်ပါ မြန်မာနိုင်ငံသား၅သိန်းခွဲလောက်ရှိနေတဲ့မလေးရှားနိုင်ငံမှာကိုဗစ်ကာလအတွင်းမှာနေရပ်ပြန်ဖို့အတွက် မြန်မာသံရုံးကို စာရင်းပေးသွင်းထားတဲ့မြန်မာတွေ သောင်းဂဏန်းနှဲ့ရှိနေတာပါ ။ ကိုဗစ်ကပ်ဘေးကာလမှာ မလေးရှားရောက် မြန်မာ၂၀ထက်မနည်းဟာမိမိကိုယ်မိမိအဆုံးစီရင်မူတွေလည်း ခပ်စိတ်စိတ်ဖြစ်လာတွေရယ် လူပွဲစားတွေကိုငွေပေးပြီး တရားမဝင်နည်းလမ်းတွေနဲ့နေရပ်ပြန်ဖို့ကြိုးစားနေတာတွေကြောင့် မြန်မာအစိုးရက တရားမဝင်နေထိုင်သူတွေနေရပ်ပြန်နိုင်ရေးကိုမလေးရှားအစိုးရနဲ့ညှိနှိုင်းဆောင်ရွက်ခဲ့တာဖြစ်ပါတယ် ။

 မအေးအေးမာ/ VOA Burmese

https://burmese.voanews.com/a/myanmar-migrant-workers-returns-from-malaysia/5774307.html