မြန်မာစစ်တပ်နဲ့ ဖက်စပ်စီးပွားရေး လုပ်ငန်းများ အပေါ် ဖိအားတွေ ပိုများလာပြီ

မြန်မာနိုင်ငံက ဒီမိုကရေစီ နည်းလမ်းနဲ့ ရွေးကောက်ခံ အရပ်သား အစိုးရကို ဖြုတ်ချလိုက်တာကြောင့် မြန်မာစစ်တပ်ပိုင် စီးပွားရေး လုပ်ငန်းကြီးတွေနဲ့ ပတ်သက်ပြီး နိုင်ငံတကာက ပိုပြီး အာရုံစိုက်လာခဲ့ပြီ ဖြစ်ပါတယ်။ မြန်မာစစ်တပ်ပိုင် အဲဒီ လုပ်ငန်းကြီးတွေနဲ့ ဖက်စပ် လုပ်ကိုင်နေတဲ့ နိုင်ငံခြားကုမ္ပဏီတွေ အပေါ် ဖိအားပေးမှုတွေကလည်း ပိုပြီး မြင့်တက်လာနေပါတယ်။

စစ်တပ်က အာဏာသိမ်းပြီးပြီးချင်းမှာပဲ ဂျပန် ကီရင် အဖျော် ယမကာ အုပ်စုက မြန်မာ ဦးပိုင်လိမိတက် နဲ့ ဖက်စပ်လုပ်းငန်းကနေ စွန့်ခွာသွားခဲ့ပါတယ်။

အင်္ဂါနေ့ကတော့ စင်္ကာပူက RMH ကုမ္ပဏီက စစ်တပ်ပိုင် Myanmar Virginia Tobacco ကုမ္ပဏီမှာ ရှိတဲ့ သူ့ရဲ့ ရှယ်ယာတွေကို စွန့်လွှတ်ကြောင်း ကြေညာခဲ့ ပါတယ်။

ဒီကနေ့မှာပဲ အိမ်ဖြူတော်ကလည်း စစ်တပ် ခေါင်းဆောင်တွေနဲ့ စစ်တပ်ကို အကျိုးအမြတ် ရစေတဲ့ စီးပွားရေး လုပ်ငန်းတွေကို ပစ်မှတ်ထား ဒဏ်ခတ် ပိတ်ဆို့မှုတွေ ဒီ တစ်ပတ်အတွင်း လုပ်မယ်လို့ ကြေညာလိုက်ပြီ ဖြစ်ပါတယ်။

ဗွီအိုအေ (မြန်မာပိုင်း)

https://burmese.voanews.com/a/myanmar-military-business-sanction-/5773482.html