အများပြည်သူထိခိုက်မယ့် အရေးယူမှုတွေ စင်ကာပူ မထောက်ခံ

ဆိုင်ကယ်များနဲ့ လက် ၃ ချောင်းထောင် ဆန္ဒပြသူများကို မန္တလေးမြို့မှာ တွေ့ရ။ (ဖေဖော်ဝါရီ ၁၅၊ ၂၀၂၁)

မြန်မာနိုင်ငံမှာ ဖြစ်ပေါ်နေတဲ့အခြေအနေတွေ စိုးရိမ်စရာကောင်းလာပေမဲ့ သာမန်ပြည်သူလူထုကို ထိခိုက်စေနိုင်တဲ့ အရေးယူဒဏ်ခတ်မှုတွေ ကျယ်ကျယ်ပြန့်ပြန့် ချမှတ်တာမျိုးကို မထောက်ခံဘူးလို့ စင်္ကာပူနိုင်ငံခြားရေးဝန်ကြီးက အင်္ဂါနေ့မှာပြောလိုက်ပါတယ်။

နိုင်ငံတော်အတိုင်ပင်ခံ ဒေါ်အောင်ဆန်းစုကြည်နဲ့ သမ္မတဦးဝင်းမြင့်အပါအဝင် ထိန်းသိမ်းခံထားရသူပြန်လွှတ်ပေးဖို့ သူ့အနေနဲ့မေ ျှာ်လင့်ကြောင်း ဒါမှသာ ဖေဖော်ဝါရီလ ၁ ရက်နေ့ကစပြီး အာဏာရယူထားတဲ့ စစ်ကောင်စီနဲ့ ဆွေးနွေးညှိနှိုင်းနိုင်မယ်လို့လည်း ဝန်ကြီး Vivian Balakrishnan က လွှတ်တော်မိန့်ခွန်းမှာ ထည့်သွင်းပြောကြားသွားပါတယ်။

ဆန္ဒပြသူတွေအပေါ် အကြမ်းဖက်နှိမ်နှင်းတာ၊ အစိုးရဝန်ထမ်းတွေကို ဖမ်းဆီးတာ၊ အင်တာနက်လိုင်းတွေဖြတ်တာနဲ့ မြို့ထဲက လမ်းမတွေပေါ်မှာ လက်နက်ကိုင်တပ်ဖွဲ့တွေနဲ့ တင့်ကားတွေ စေလွှတ်ထားတဲ့အပေါ် စင်္ကာပူနိုင်ငံက စိုးရိမ်ကြောင်းလည်း ဝန်ကြီး Balakrishnan ကပြောဆိုခဲ့ပါတယ်။ တင်းမာမှုတွေ ပြေလည်သွားအောင် အရေးတကြီးလုပ်ကိုင်လာမယ်လို့ မေ ျှာ်လင့်ကြောင်း လက်နက်မဲ့ပြည်သူတွေအပေါ် အကြမ်းဖက်တာတွေမလုပ်သင့်သလို ငြိမ်းချမ်းစွာ အဖြေရှာနိုင်မယ်လို့ မေ ျှာ်လင့်ပါတယ်လို့လည်း ပြောဆိုခဲ့ပါတယ်။

နိုဝင်ဘာရွေးကောက်ပွဲမှာ ဒေါ်အောင်ဆန်းစုကြည်ရဲ့ အမျိုးသားဒီမိုကရေစီအဖွဲ့ချုပ် NLD ပါတီက အပြတ်အသတ်အနိုင်ရခဲ့ပြီး စစ်တပ်က အာဏာသိမ်းလိုက်တာဟာ မြန်မာ့စီးပွါးရေး နောက်ပြန်ဆုတ်သွားစေတဲ့ အဓိက လုပ်ရပ်ကြီးတခုဖြစ်တယ်လို့လည်းပြောပါတယ်။ စင်္ကာပူနိုင်ငံဟာ မြန်မာနိုင်ငံရဲ့ အဓိက စီးပွါးရေးမြှုပ်နှံသူ တဦးလည်းဖြစ်ပါတယ်။

မြန်မာနိုင်ငံမှာပေါ်ပေါက်နေတဲ့ လက်ရှိအခြေအတေေွက စင်္ကာပူရဲ့ စီးပွါးရေးလုပ်ငန်းတွေအပေါ် ထိခိုက်နိုင်ခြေနဲ့ပတ်သက်ပြီး လေ့လာသုံးသပ်သွားမယ်လို့လည်းပြောပါတယ်။ မြန်မာနိုင်ငံအပေါ် အရေးယူဒဏ်ခတ်ဖို့ လတ်တလော ကြေငြာထားတဲ့နိုင်ငံတွေထဲမှာ အမေရိကန်ပြည်ထောင်စုနဲ့ ဗြိတိန်နိုင်ငံတို့ပါဝင်ပါတယ်။ 

ဗွီအိုအေ (မြန်မာပိုင်း)

https://burmese.voanews.com/a/myanmar-politics-singapore/5780050.html