မုံရွာ၊ဖေဖော်ဝါရီ-၁
ယနေ့မနက်ပိုင်းက ထိန်းသိမ်းခံရသော စစ်ကိုင်းတိုင်းအစိုးရအဖွဲ့ ဝန်ကြီးများထဲမှာ ဝန်ကြီးသုံးဦး ညနေ ၃ နာရီခန့်က အစိုးရအဖွဲ့နေအိမ်သို့ ပြန်ရောက်ပြီဖြစ်သည်။
မုံရွာမြို့ရှိ တိုင်းအစိုးရအဖွဲ့ရုံးအတွင်း ဝန်ကြီးများအိမ်ရာသို့ ပြန်ရောက်သော ဝန်ကြီးသုံးဦးမှာ ချင်းတိုင်းရင်းသားရေးရာဝန်ကြီး ဦးလာလ်ထောင်ထန်း၊ စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီး ဦးကမ်ဇာမုံ၊ လျှပ်စစ်၊စက်မှုနှင့်လမ်းပန်းဆက်သွယ်ရေး ဝန်ကြီး ဦးသန်းညွန့်ဝင်းတို့ဖြစ်သည်။
''ကျွန်တော်နဲ့စည်ပင်ဝန်ကြီးက တစ်ကားတည်းပါသွားတာ၊နမခ (အနောက်မြောက်တိုင်းစစ်ဌာနချုပ်)ကိုခေါ်သွားတာပါ။ အခြေအနေကို ရှင်းပြတယ်။ ရုပ်မြင်သံကြားကနေလည်း ကြေညာတယ်ဆိုတာပြောတယ်။ အစက လာခေါ်တော့ ဘာလည်းမသိဘူးပေါ့။ မနက် ၅နာရီလောက် စစ်တပ်က ကားနဲ့ လာခေါ်တာ။ ဝန်ကြီးချုပ်နဲ့တော့ မတွေ့ရဘူး။ ဝန်ကြီးချုပ်ကိုလည်း ညနေပိုင်းလောက်ပြန်ပို့ပေးမယ်ပြောတယ် "ဟု ချင်းတိုင်းရင်းသားရေးရာဝန်ကြီး ဦးလာလ်ထောင်ထန်းက ပြောသည်။
တိုင်းအစိုးရအဖွဲ့ရုံးနှင့် တိုင်းဒေသကြီးလွှတ်တော် ပတ်ဝန်းကျင်တွင်မူ ဖြတ်သန်းသွားလာခွင့်မပြုဘဲ စစ်တပ်လုံခြုံရေးများ ချထားဆဲဖြစ်သည်။
Monywa Gazette
Reviewed by THITHTOOLWIN
on
22:05
Rating:
No comments:
Post a Comment